قازاقستاندا استانا دەگەن ەسىمى بار ازاماتتاردىڭ ناقتى سانى بەلگىلى بولدى.
ۇلتتىق ستاتيستيكا بيۋروسىنىڭ مالىمەتىنشە، ەلىمىزدە استانا ەسىمى 24 ادامعا بەرىلگەن. ولاردىڭ ىشىندە 17ء-سى ەر ادام بولسا، 7-ەۋى ايەل ادام.
استانا ەسىمدى تۇرعىندار نەگىزىنەن پاۆلودار، سولتۇستىك قازاقستان جانە تۇركىستان وبلىستارىندا تۇرادى.
سونىمەن قاتار، ەلوردا اتاۋىن قامتيتىن ەرەكشە ەسىمدەر دە تىركەلگەن. ولاردىڭ قاتارىندا:
• استانابەك
• استانادين
• استاناي
• استاناقۇل
• استانالي
• استاناحان
• استانات
• ەراستاناحان
• نۇراستانا
• سامميداستانا
• ەلين استانا
• ارۋ-استانا
بۇل ەسىمدەردىڭ ءبارى ەلوردانىڭ قۇرمەتىنە قويىلعان. ساراپشىلاردىڭ ايتۋىنشا، مۇنداي ەسىمدەر كوبىنە ماڭىزدى تاريحي وقيعالارمەن نەمەسە ەلدىك ماڭىزعا يە كۇندەرمەن بايلانىستى بولىپ كەلەدى.
ايتا كەتەيىك، بۇعان دەيىن دە بايتەرەك، تاۋەلسىزدىك، ەلوردا، الاش، اتامەكەن سياقتى سيمۆوليكالىق ءمانى بار ەسىمدەر ەل اۋماعىندا تىركەلگەن.