ق ر كولىك مينيسترلىگىنىڭ تاپسىرماسى بويىنشا «جول اكتيۆتەرى ساپاسىنىڭ ۇلتتىق ورتالىعى» رمك ەلىمىزدەگى بارلىق اسفالتبەتون زاۋىتتارىن اتتەستاتتاۋدان وتكىزىپ جاتىر.
ءقازىر رەسپۋبليكادا تىركەلگەن 414 ءابز-نىڭ 332ء-سى (80%) ينسپەكسيادان ءوتتى، دەپ حابارلايدى aqshamnews.kz.
اتاپ ايتقاندا، جاسۇو ينسپەكتورلارى استانا جانە شىمكەنت قالالارىندا، جەتىسۋ، الماتى، قوستاناي، اتىراۋ، پاۆلودار وبلىستارىنداعى زاۋىتتاردى زەرتتەدى.
اسفالتبەتون زاۋىتتارى مەن زەرتحانالاردىڭ جاراقتاندىرىلۋى قولدانىستاعى نورماتيۆتىك قۇجاتتاردىڭ تالاپتارىنا سايكەستىگى، ساپا قىزمەتىنە سايكەس شتات قۇرامىنىڭ بولۋى، ماتەريالداردىڭ، كونسترۋكسيالار مەن بۇيىمداردىڭ كىرىس باقىلاۋىنىڭ، ونىڭ ىشىندە جول-قۇرىلىس ماتەريالدارىن ساقتاۋ جانە تاسىمالداۋ قاعيدالارىنىڭ ساقتالۋى، ساپانى باقىلاۋدى قامتاماسىز ەتۋ جونىندەگى تەحنولوگيالىق رەگلامەنتتەردى تەكسەرىلدى.
اتتەستاتتاۋ جۇمىستارى ودان ءارى جالعاسادى. ونىڭ ماقساتى-جول ماتەريالدارىنىڭ جوعارى ساپاسىن قامتاماسىز ەتۋ، وندىرۋشىلەردىڭ جاۋاپكەرشىلىگىن ارتتىرۋ جانە سول ارقىلى قازاقستانداعى اۆتوموبيل جولدارىنىڭ جاي-كۇيى مەن ۇزاق مەرزىمگە شىدامدىلىعىن جاقسارتۋعا ىقپال ەتۋ. ءقازىر، جولشىلار كۇشەيتىلگەن رەجيمدە جۇمىس ىستەپ ءجۇر. ايدىڭ سوڭىنا دەيىن قالعان 82 ابز-عا باعالاۋ جاسايدى.