سەمەي قالاسىندا ق ر دەنساۋلىق ساقتاۋ مينيسترلىگىنىڭ مەديسينالىق تەرمينولوگيا كوميسسياسى مەن سەمەي مەديسينا ۋنيۆەرسيتەتى بىرلەسىپ رەسپۋبليكالىق تەرمينولوگيالىق كونفەرەنسيا وتكىزدى.
كونفەرەنسيانىڭ كۇن تارتىبىندە بەكىتىلگەن مەديسينالىق تەرميندەردىڭ ءبىرىڭعاي سوزدىگىن ازىرلەۋ، دەنساۋلىق ساقتاۋ سالاسىنداعى نورماتيۆتىك قۇقىقتىق اكتىلەردىڭ تەرمينولوگيالىق بازاسىن قالىپتاستىرۋ جانە وزەكتى مەديسينالىق تەرمينولوگيا سوزدىگىن جاساۋ ماسەلەلەرى قارالدى.
كونفەرەنسيا بارىسىندا جاس عالىمدار مەديسينالىق تەرمينولوگياعا قاتىستى وزەكتى ماسەلەلەردى تالقىلادى. ولار عىلىمي جاريالانىمدارداعى اببريەۆياتۋرالاردى، نورماتيۆتىك قۇقىقتىق اكتىلەردەگى تەرميندەردى جانە عىلىمي-مەديسينالىق ءتىلدىڭ جۇيەلەنۋىن تالداۋعا ەرەكشە نازار اۋداردى.
بولەك تاقىرىپ رەتىندە سالالىق جاساندى ينتەللەكتتى ەنگىزۋ ماسەلەسى كوتەرىلدى، ونىڭ ىشىندە KAZHealthGPT جۇيەسىن ازىرلەۋ دە بار.
سونىمەن قاتار، قاتىسۋشىلار «مەملەكەتتىك تىلدەگى 100 مەديسينالىق وقۋلىق» جوباسىنىڭ بولاشاعىنا سەنىم ءبىلدىردى. موتيۆاسيا رەتىندە قازاق تىلىندە ورىندالعان عىلىمي جۇمىستاردى ىنتالاندىرۋدى جانە عىلىمي جۋرنالدارداعى ۇزدىك جاريالانىمدار ءۇشىن سىياقىلار تاعايىنداۋدى ۇسىندى.
جاس عالىمدار بۇل باستامالاردىڭ تابىستى بولۋىنا مەملەكەتتىك ءتىلدىڭ عىلىم سالاسىنداعى ءرولىنىڭ ارتۋى سەبەپ بولادى دەپ سانايدى. ولار قازاق ءتىلى تەك كۇندەلىكتى ومىردە عانا ەمەس، عىلىمدا دا لايىقتى ورىن الۋى ءتيىس ەكەنىن اتاپ ءوتتى.