ەلىمىزدە #ءانشۋاق2024 بالالار اندەرىنىڭ ەكىنشى رەسپۋبليكالىق چەللەندجى باستالدى.
قازىرگى تاڭدا بالالار ورىنداعان بەينەروليكتەر 200 مىڭنان استام قارالىم جينادى، دەپ حابارلايدى aqshamnews.kz وقۋ-اعارتۋ مينيسترلىگىنە سىلتەمە جاساپ.
«ءانشۋاق» فەستيۆالى بالالاردىڭ تالانتتارىن اشۋعا مۇمكىندىك بەرەدى جانە ەلىمىزدىڭ تاريحي-مادەني قۇندىلىقتارىن ناسيحاتتايدى. بۇل شارانىڭ «ءبىرتۇتاس تاربيە» باعدارلاماسى اياسىندا وسكەلەڭ ۇرپاقتى تاربيەلەۋدە ماڭىزدى ءرول اتقاراتىنىن دا ايتا كەتۋ كەرەك.
«جاڭا وقۋ جىلى باستالعالى بەرى وسى يدەيامەن شابىتتانعان 5 مىڭعا جۋىق مەكتەپ وقۋشىسى چەللەندجگە قوسىلدى. ولار بەينەجازبالارىن #ءانشۋاق2024 حەشتەگىمەن TikTok-تا جاريالاپ، وزدەرى ورىنداعان بالالار اندەرىن «قازاق راديوسىنا» جولدايدى. 28 قىركۇيەكتەن باستاپ قازاق راديوسىندا «ءانشۋاق راديو-فەستيۆالى» ايدارى اشىلادى. بۇل بۇكىل قازاقستاننىڭ تۇكپىر-تۇكپىرىندەگى بالالاردى بىرىكتىرەتىن شىعارماشىلىق تولقىن. قاتىسۋشىلار تەك ءان ورىنداپ قانا قويماي، سول اندەردىڭ ءوز ومىرىندەگى ماڭىزى تۋرالى جەكە ويلارىمەن دە بولىسەدى»، — دەيدى ق ر وام رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىنىڭ ديرەكتورى رايسا شەر.
چەللەندجگە 6-18 جاس ارالىعىنداعى بالالار مەن جاسوسپىرىمدەر قاتىسا الادى. بالالار قازاق تىلىندەگى ءاندى جاندى داۋىستا ورىنداپ، بەينەجازباسىن #ءانشۋاق2024 حەشتەگىمەن TikTok-تا جاريالاۋى كەرەك.
ەستەرىڭىزگە سالا كەتەيىك، «ءانشۋاق» بالالار اندەرىنىڭ چەللەندجى العاش رەت 2024 جىلدىڭ 1 اقپانى مەن 1 ماۋسىمى ارالىعىندا ءوتىپ، جەتى اي ىشىندە 12 مىڭنان استام جاريالانىم جانە 12 ميلليوننان استام قارالىم جيناعان بولاتىن. قورىتىندىسى ەلىمىزدىڭ ءار وڭىرىندە «Open Air» فورماتىندا وتكىزىلىپ، وندا ەڭ تانىمال بالالار اندەرى شىرقالدى.