قازاقستاندا «التىن ساقا» بالالار ادەبيەتى شىعارمالارىنىڭ بايقاۋى وتەدى

بايقاۋدىڭ ماقساتى – بالالار ادەبيەتىن دامىتۋمەن قاتار قازاقستاندىق بالالار ادەبيەتى جازۋشىلارىنا قولداۋ كورسەتۋ.

ەلىمىزدە «التىن ساقا» بالالار ادەبيەتى شىعارمالارىنىڭ رەسپۋبليكالىق بايقاۋى وتەدى، دەپ حابارلايدى Almaty-akshamy.kz Egemen.kz سىلتەمە جاساپ..

بايقاۋ مەملەكەت باسشىسى قاسىم-جومارت توقايەۆ جاريالاعان بالالار جىلى اياسىندا «قازاقستاندىق قوعامدىق دامۋ ينستيتۋتى» كەاق، «قازاقستان جازۋشىلار وداعى» رقب، سونداي-اق ق ر اقپارات جانە قوعامدىق دامۋ مينيسترلىگىنىڭ قولداۋىمەن ۇيىمداستىرىلۋدا.

بۇگىندە بالالاردىڭ ويلاۋ، ءتۇسىنۋ قابىلەتىنە، تالعامىنا، ارمان-قيالىنا اسەر ەتىپ، بالالاردى وزىنە تارتاتىن كوركەم شىعارمالار ۇلكەن سۇرانىسقا يە ەكەنى بەلگىلى. قازاق تىلىندە بالالار ادەبيەتى باعىتى بويىنشا جاڭا ەسىمدەر جوقتىڭ قاسى. سوندىقتان بالالارعا ارناپ قالام تەربەيتىن جازۋشىلاردىڭ ىنتاسىن ارتتىرىپ، وسكەلەڭ ۇرپاقتى ادامگەرشىلىككە، وتانسۇيگىشتىككە باۋلۋ - وزەكتى ماسەلەلەردىڭ ءبىرى.

وسى ورايدا ەلىمىزدە «التىن ساقا» بالالار ادەبيەتى شىعارمالارىنىڭ رەسپۋبليكالىق بايقاۋى باستاۋ الدى.

بايقاۋعا قازاق ادەبيەتىنە ۇلەس قوسىپ جۇرگەن جانە شىعارمالارىمەن تانىلىپ كەلە جاتقان 18-35 جاس ارالىعىنداعى قالامگەرلەر قاتىسا الادى.

بايقاۋعا قاتىسۋشىلار ەركىن تاقىرىپتا پروزا جانرى بويىنشا 2 باعىتتا ب ا ق سىنايدى:

• ەرتەگىلەر (باستاۋىش جانە ورتا بۋىن مەكتەپ وقۋشىلارىنا ارنالعان)؛


• شاعىن اڭگىمەلەر (جاسوسپىرىمدەرگە ارنالعان).

بايقاۋعا قاتىسۋشى ۇمىتكەرلەر وزدەرىنىڭ شىعارمالارىن جانە جەكە مالىمەتتەرىن تولتىرىپ، «التىن ساقا» بالالار ادەبيەتى شىعارمالارى بايقاۋىنا» تاقىرىبىمەن saqa01@gmail.com، altyn.saqa01@mail.ru، balalarbaikaui@gmail.com ەلەكتروندى پوشتالارىنا 2022 جىلعى 19 تامىزعا دەيىن جولداۋى قاجەت. شىعارمالار 2022 جىلعى 31 تامىزعا دەيىن ­قازىلار القاسىنىڭ ساراپتاماسىنان وتەدى. بايقاۋ قورىتىندىسى قىركۇيەكتە جاريالانادى.

ايتا كەتسەك، بايقاۋ قورىتىندىسى رەتىندە 2 باعىت بويىنشا جيناقتالعان بارلىق شىعارمالار ىرىكتەلىپ، 2022 جىلعى قاراشا ايىندا جيناق بولىپ باسىلىپ شىعادى.

شىعارمالارعا قويىلاتىن تالاپتار:

1. ءبىر قاتىسۋشى بايقاۋدىڭ ەكى باعىتى بويىنشا قاتىسا الادى.


2. مەرزىمىنەن كەشىكتىرىلگەن شىعارمالار ساراپتاۋعا جىبەرىلمەيدى.


3. بايقاۋ جۇمىستارى MS Word فورماتىندا Times New Rوman قارپىمەن، 14 ءقارىپ مولشەرىندە 1،0 ارالىقتا تەرىلىپ، 3-5 بەتتەن اسپاۋى كەرەك.

قاتىسۋشىلارعا قويىلاتىن تالاپتار:

1. بالالاردى ادامگەرشىلىككە، پاراساتتىلىققا، وتانسۇيگىشتىككە، سانانىڭ اشىقتىعى مەن ۇلتتىق بىرەگەيلىكتى ساقتاۋعا، سونداي-اق انا ءتىلىن جەتىك بىلۋگە، ادەبي سوزدىك قورىن بايىتۋعا باعىتتالعان شىعارمالار بولۋى قاجەت.


2. جاسوسپىرىمدەر مەن وسكەلەڭ ۇرپاققا قىزىق، زاماناۋي ءارى وزەكتى تاقىرىپتار بويىنشا فانتاستيكالىق جانە شىتىرمان وقيعالارعا تولى بىلىمگە قۇشتارلىققا، باسەكەگە قابىلەتتىلىككە، پراگماتيزم قاعيداتتارىنا سۇيەنگەن شىعارمالار، سونىمەن قاتار، شىعارمالاردا سۇيىسپەنشىلىك، مەيىرىمدىلىك، قايىرىمدىلىق، ومىرلىك ماقسات، ادىلدىك، ەڭبەكقورلىق سەكىلدى تەرەڭ ويلى قۇندىلىقتار ناسيحاتتالۋى ءتيىس.


3. قوعامنىڭ دامۋىنا جاڭاشا كوزقاراس قالىپتاستىراتىن، زاماناۋي تۇلعانىڭ قابىلەتتەرى مەن داعدىلارىن كورسەتەتىن، سونداي-اق جاستاردىڭ قىزىعۋشىلىق تۋدىراتىن كرەاتيۆ يدەيالار جانە قازىرگى شەتەلدىك شىعارمالارمەن باسەكەلەسە الاتىن تۋىندىلار بولۋى ءتيىس.

بايقاۋعا پروزا جانرى بويىنشا تومەندەگى باعىتتار بويىنشا جۇلدە تاعايىندالادى:

• «ەرتەگىلەر:

ا) ءى ورىن – 300 مىڭ تەڭگە (بىرەۋ)؛

ءا) ءىى ورىن – 200 مىڭ تەڭگە (بىرەۋ)؛

ب) ءىىى ورىن – 100 مىڭ تەڭگە (بىرەۋ)؛

ۆ) ىنتالاندىرۋ سىيلىعى – 50 مىڭ تەڭگە (بەسەۋ).

• «شاعىن اڭگىمەلەر»:

ا) ءى ورىن – 300 مىڭ تەڭگە (بىرەۋ)؛

ءا) ءىى ورىن – 200 مىڭ تەڭگە (بىرەۋ)؛

ب) ءىىى ورىن – 100 مىڭ تەڭگە (بىرەۋ)؛

ۆ) ىنتالاندىرۋ سىيلىعى – 50 مىڭ تەڭگە (بەسەۋ).