قازاقستاننىڭ ورتالىق سايلاۋ كوميسسياسىنىڭ مالىمەتىنشە، رەفەرەندۋمعا قاتىسۋشىلاردىڭ 71،12%-ى اتوم ەلەكتر ستانسياسىن سالۋدى قولدادى. بۇل كورسەتكىش ەل ازاماتتارىنىڭ باسىم كوپشىلىگى اتوم ەنەرگەتيكاسىن دامىتۋ ارقىلى قازاقستاننىڭ ەنەرگەتيكالىق قاۋىپسىزدىگىن قامتاماسىز ەتۋگە سەنىم بىلدىرگەنىن كورسەتەدى.
رەفەرەندۋمعا داۋىس بەرۋگە قۇقىعى بار ازاماتتاردىڭ ۇلكەن بولىگى قاتىسىپ، ءوز پىكىرىن ءبىلدىردى. اەس سالۋ ماسەلەسى قوعامدا كەڭىنەن تالقىلانىپ، قوعامدىق پىكىر ەكىگە بولىنگەن بولاتىن. الايدا بۇل ناتيجەلەر حالىقتىڭ كوپشىلىگىنىڭ اتوم ەنەرگەتيكاسىن قولداعانىن كورسەتەدى، بۇل قازاقستاننىڭ ەنەرگەتيكالىق تاۋەلسىزدىگىن ارتتىرۋ مەن جاڭا ەنەرگەتيكالىق ينفراقۇرىلىم قۇرۋعا باعىتتالعان ماڭىزدى قادام بولماق.
ورتالىق سايلاۋ كوميسسياسىنىڭ مالىمەتىنشە، داۋىس بەرۋ پروسەسى حالىقارالىق ستاندارتتارعا ساي ءوتتى جانە سايلاۋ ۋچاسكەلەرىندە باقىلاۋشىلاردىڭ قاتىسۋىمەن جۇرگىزىلدى. 30 شەت مەملەكەت پەن 4 حالىقارالىق ۇيىمنان كەلگەن 177 باقىلاۋشى بۇل پروسەستىڭ اشىقتىعىن قامتاماسىز ەتۋگە اتسالىستى.