سەنات دەپۋتاتتارى ارتۋر لاستايەۆتىڭ كانديداتۋراسىن قولدادى.
پرەزيدەنت قاسىم-جومارت توقايەۆ قازاقستان رەسپۋبليكاسىنداعى ادام قۇقىقتارى جونىندەگى ۋاكىل لاۋازىمىنا ارتۋر لاستايەۆتىڭ كانديداتۋراسىن ۇسىندى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
ارتۋر لاستايەۆ 1983 جىلى دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن «حالىقارالىق قۇقىق» ماماندىعى بويىنشا بىتىرگەن.
2006 جىلى الماتى قالاسى پروكۋراتۋراسىنىڭ بوستاندىق اۋدانى پروكۋرورىنىڭ كومەكشىسى بولعان.
سونداي-اق ول الەۋمەتتىك-ەكونوميكالىق سالاداعى زاڭدىلىقتى قاداعالاۋ دەپارتامەنتىنىڭ ءبولىم باستىعى بولدى.
ارتۋر لاستايەۆ باس پروكۋراتۋرانىڭ وكىلى – بۇۇ بولىمشەسى جانە جەنيەۆاداعى باسقا دا حالىقارالىق ۇيىمدار جانىنداعى قازاقستان رەسپۋبليكاسى تۇراقتى وكىلدىگىنىڭ كەڭەسشىسى قىزمەتتەرىن اتقارادى.
2018 جىلدان 2022 جىلعا دەيىن ەۋروپاداعى باس پروكۋراتۋرانىڭ وكىلى – قازاقستاننىڭ شۆەيسارياداعى ەلشىلىگىنىڭ كەڭەسشىسى بولدى.
2022 جىلدان باستاپ باس پروكۋراتۋرانىڭ حالىقارالىق-قۇقىقتىق ىنتىماقتاستىق قىزمەتىنىڭ باستىعى بولعان.
ايتا كەتسەك، بۇگىن 2022 جىلعى 29 جەلتوقساندا مەملەكەت باسشىسى قاسىم-جومارت توقايەۆ قازاقستان پارلامەنتى سەناتىنىڭ وتىرىسىنا قاتىستى.