بۇل تۋرالى وڭىرلىك كوممۋنيكاسيالار قىزمەتىنىڭ بريفينگىنە قاتىسقان الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ ايتتى.
الماتى قالاسىنداعى وكپ تۇركسىب فيليالىندا بيزنەسكە ارنالعان تەلەگرام بوتى ىسكە قوسىلدى، دەپ حابارلايدى Almaty-akshamy.kz
بوتتىڭ نەگىزگى مىندەتى – كاسىپكەرلىكتى مەملەكەتتىك قولداۋ ماسەلەلەرى بويىنشا جان-جاقتى جانە وزەكتى اقپاراتپەن قامتاماسىز ەتۋ، سونداي-اق فيليال قىزمەتى اياسىندا كونسۋلتاسيالىق كومەك كورسەتۋ.
بوتتىڭ كومەگىمەن سەرۆيستىك قولداۋ تۋرالى وزەكتى اقپاراتتى، كاسىپكەرلىك سالاسىنداعى الداعى جاڭالىقتار مەن وزگەرىستەر تۋرالى حابارلامالاردى الۋعا، سونداي-اق مەملەكەتتىك ورگانداردىڭ مەكەنجايلارىن بىلۋگە بولادى.
ءقازىر بوت پيلوتتىق رەجيمدە ىستەپ تۇر، اتالعان بوتتىڭ فۋنكسيونالدىعى تولىقتىرىلىپ، جەتىلدىرىلەدى.
سونىمەن قاتار، بيىل المالى اۋدانىنىڭ كاسىپكەرلەرى ءۇشىن موبيلوگرافيالىق كۋرستار ءوتتى. 15 ادام وقىتىلدى. ولارعا سەرتيفيكاتتار بەرىلدى. قازىرگى تاڭدا ستۋدەنتتەردىڭ ەكىنشى لەگى وقۋدا.
جەتىسۋ اۋدانىندا قۇرىلىس سالاسى مەن جەڭىل ونەركاسىپكە ارنالعان حالىقارالىق كورمەلەر الاڭى جۇمىس ىستەيدى. وندا «Exibition Atameken» حالىقارالىق كورمەلەرىنىڭ تىزىمدەرى بار. پلاتفورمانى پايدالانا وتىرىپ، ءسىز بەلگىلى ءبىر كورمەگە قاتىسۋعا ءوتىنىش بەرە الاسىز، اككرەديتاسيادان وتە الاسىز، سونىمەن قاتار باسقا دا پايدالى اقپاراتتى الا الاسىز. كورمەنى تاڭداۋ كەزىندە سيپاتتاما، قاتىسۋ شارتتارى جانە كورمەنىڭ وتكىزىلۋ مەرزىمى كورسەتىلەدى. بۇگىنگى كۇنى قۇرىلىس يندۋسترياسى، جەڭىل ونەركاسىپ، اكسەسسۋارلار مەن اياق كيىم كورمەلەرى 2023 جىلدىڭ ناۋرىز ايىنا دەيىن جاريالاندى.
الاتاۋ اۋدانىندا يندۋستريالدى ايماق ءۇشىن كادرلار دايارلانۋدا – جوبا ستۋدەنتتەردى كەيىننەن جۇمىسقا ورنالاستىرۋ ماقساتىندا ءىرى كاسىپورىنداردا تاجىريبەدەن وتۋگە باعىتتالعان.
پالاتانىڭ اۋەزوۆ اۋدانىنداعى فيليالى ينتەرنەت-دۇكەندەر اشۋ جوباسىن ازىرلەۋدە – ايتارلىقتاي قارجىلىق شىعىندارسىز ونلاين ساتۋ نارىعىندا جاس جانە ءىسىن جاڭا باستاعان كاسىپكەرلەرگە قولداۋ كورسەتۋ. پالاتا جانىنان ماركەتپلەيستەردە ساتۋدى ۇيرەتۋ بويىنشا ترەنينگتەر وتكىزىلەدى.
مەدەۋ اۋدانىندا كاسىپكەرلەر اراسىندا ەكولوگيالىق ساۋاتتى قالىپتاستىرۋ جۇمىستارى جۇرگىزىلۋدە – جوبا شوب سۋبەكتىلەرىن قورشاعان ورتانى قورعاۋعا قاتىستى زاڭناما تالاپتارىنا ەنگىزىلگەن وزگەرىستەر، تولىقتىرۋلار تۋرالى اقپاراتتاندىرۋعا باعىتتالعان.
سونداي-اق، ۇرلانعان تەلەفونداردىڭ urlangan.kz ءتىزىلىمى دە بار. ونى قالا پروكۋراتۋراسى الماتى قالالىق «اتامەكەن» كاسىپكەرلەر پالاتاسىمەن بىرلەسىپ جاساعان. ماماندار جوبانى مەگاپوليستەگى ساۋدا ۇيلەرىنىڭ بىرىندە كاسىپكەرلەرمەن كەزدەسۋدە تانىستىردى.
پروكۋراتۋرا وكىلدەرىنىڭ ايتۋىنشا، جىل باسىنان بەرى قالادا تەلەفون، سمارت ساعات، نوۋتبۋك جانە باسقا دا گادجەتتەردى ۇرلاۋ فاكتىلەرى جيىلەپ كەتكەن. قالادا بارلىعى 15 مىڭعا جۋىق ۇرلىق تىركەلگەن. بۇل قولدان سمارتفون ساتىپ الاتىن كاسىپكەرلەرگە دە اسەر ەتەدى. كاسىپكەرلەر مەن ساتىپ الۋشىلاردى ءساتسىز مامىلەلەردەن قورعاۋ ءۇشىن پروكۋراتۋرا مەن پالاتا ماماندارى ونلاين مالىمەتتەر بازاسىن قۇردى.
ساتىپ الىنعان گادجەتتىڭ ىزدەۋشىلەر تىزىمىندە بار-جوعىن ءبىلۋ ءۇشىن urlangan.kz سايتىندا IMEI كودىن ەنگىزۋ كەرەك. ەگەر تەلەفون تازا بولسا، ونى ەش كۇدىكسىز ساتىپ الۋعا بولادى، ءبىراق ەگەر ول ۇرلانعان بولسا، دەرەۋ پروكۋراتۋراعا حابارلاسۋ كەرەك.
ناۋرىزباي اۋدانىندا دا كوپ بالالى انالارعا قولداۋ كورسەتىلۋدە، مۇندا بيزنەس-جوسپار قۇرۋ، سالىق دەكلاراسياسىن تاپسىرۋ، سەرۆيستىك قولداۋ كورسەتۋ، مەملەكەتتىك قولداۋ باعدارلامالارىن ءتۇسىندىرۋ بويىنشا كۋرستار تۇراقتى تۇردە وتكىزىلىپ تۇرادى. جك اشۋ بويىنشا ءتۇسىندىرۋ جۇمىستارى جۇرگىزىلۋدە.