كيىكتەر سانىن رەتتەۋ اۋىل شارۋاشىلىعىنداعى مالمەن باسەكە بولماۋى ءۇشىن جاسالادى.
ءماجىلىس كۋلۋارىندا ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشوۆ اتۋ-اتپاۋ ماسەلەسى تۋرالى جۋرناليستەرگە پىكىر ءبىلدىردى، دەپ حابارلايدى Almaty-akshamy.kz Inbusiness.kz cىلتەمە جاساپ.
«بيونەگىزدەمە اياقتالدى. عالىمدار كيىكتەردىڭ سانىن رەتتەۋ ماسەلەسىن ايتىپ جاتىر. بۇل – ورال پوپۋلياسياسى. ءقازىر ونداعى كيىكتەر سانى 800 مىڭ باس بولسا، وندا ولاردىڭ 10 پايىزى رەتتەلەدى. ياعني، 80 مىڭ باس كيىك»، - دەدى برەكەشيەۆ.
«ياعني 80 مىڭ كيىكتى اتا ما؟» - دەگەن سۇراققا مينيستر: «ءيا»، - دەدى.
برەكەشيەۆتىڭ ايتۋىنا قاراعاندا، كيىكتەر سانىن رەتتەۋ اۋىل شارۋاشىلىعىنداعى مالمەن باسەكە بولماۋى ءۇشىن جاسالادى. باتىس ايماقتا مال جايىلىمىنان بولەك ەگىنگە دە ءتۇسىپ كەتىپ جاتىر.
«الدىمەن عىلىمي زەرتتەۋ جۇرگىزۋ ءۇشىن 500 باس كيىك الىنادى. جۇمىس 1 قازاننان باستالادى»، - دەدى برەكەشيەۆ.