قر-دا 761 بازار جۇمىس ىستەيدى، ەلىمىزدىڭ 17 ءوڭىرىنىڭ 3-ىندە بىردە-بىر كوتەرمە ساۋدا بازارى جوق
2021 جىلعى 1 قاڭتارداعى جاعداي بويىنشا، ەلدە 761 بازار بولاتىن، ءبىر جىل بۇرىنعىعا قاراعاندا 2 بازارعا نەمەسە 0،5%-عا از، دەپ حابارلادى Almaty-akshamy.kz. Finprom.kz cايتىنا سىلتەمە جاساپ. ولاردىڭ كوپشىلىگى قالالىق جەردە ورنالاسقان (515 بازار، تەك 246 اۋىلدىق جەردە). وڭىرلىك بولىنىستە بازاردىڭ 14،6%-ى تۇركىستان وبلىسىندا، 11%-ى الماتى وبلىسىندا، 9،3%-ى شىعىس قازاقستان وبلىسىندا بولدى.
ءبىر جىل ىشىندە بازارلار ازداپ قىسقارعانىنا قاراماستان، ساۋدا ورىندارىنىڭ سانى كەرىسىنشە، 1%-عا نەمەسە 184،6 مىڭ ورىنعا دەيىن ءبىرشاما كوبەيدى.
وڭىرلىك بولىنىستە ساۋدا ورىندارىنىڭ باسىم بولىگى الماتى وبلىسىندا بولدى (ءبىر جىل بۇرىنعىعا قاراعاندا بىردەن 14،7%-عا ءوسىپ، 24،2 مىڭ بولدى). الماتى مەن جامبىل وبلىستارى دا كوش باسىنداعى ۇشتىكتە تۇر.
359 بازار مەن 145،9 مىڭ ساۋدا ورنى زاڭدى تۇلعا كومپانيالارعا، تاعى 402 بازار مەن 38،6 مىڭ ساۋدا ورنى جەكە كاسىپكەرلەرگە تيەسىلى بولدى.
761 بازاردىڭ 17ء-سى كوممۋنالدىق بازارعا، 387ء-ى جابىق بازارعا جاتقىزىلدى. تاۋارلاردى ساتۋعا بايلانىستى 260 بازار مامانداندىرىلعان، 501 — امبەباپ دەپ جىكتەلدى.
مامىلەلەر كولەمى بويىنشا 36 بازار كوتەرمە، 725 بازار بولشەك ساۋداعا قاتىستى بولدى. بۇل رەتتە ەلىمىزدىڭ كەيبىر وڭىرلەرىندە كوتەرمە ساۋدا بازارلارى جۇمىس ىستەمەيدى. ماسەلەن، اقمولا، جامبىل، قوستاناي وبلىستارىندا وتكەن جىلى بىردە-بىر وسىنداي نىسان جۇمىس ىستەمەگەن.
ەل نارىقتارىنىڭ جالپى اۋدانى ءبىر جىلدا 3،4%- عا، 7،9 ملن شارشى مەترگە دەيىن ءوستى، ونىڭ ىشىندە اۋىلدىق جەرلەرگە 22،4%-ى تيەسىلى بولدى.
بازارلاردىڭ جالپى اۋدانى بويىنشا الماتى وبلىسى كوش باستاپ تۇر: 1،5 ملن ش.م. توپ-3 قۇرامىنا الماتى مەن تۇركىستان وبلىسى دا كىردى.
بازارلاردىڭ ماتەريالدىق-تەحنيكالىق بازاسى ءبىرشاما تومەندەدى. وسىلايشا، توڭازىتقىش كامەرالارىنىڭ سانى ءبىر جىلدا 9،7%-عا، نەمەسە1،5 مىڭعا دەيىن، كونتەينەرلەر 4،8%-عا نەمەسە 40،7 مىڭعا دەيىن، ۆەتەريناريالىق ساراپتاما زەرتحانالارى 3،4%-عا نەمەسە 254-كە دەيىن، سورەلەر 1،4%-عا نەمەسە 72 مىڭعا دەيىن، دۇڭگىرشەكتەر 0،3%-عا نەمەسە 12،7 مىڭعا دەيىن قىسقاردى.
ەلدەگى بازارلاردىڭ جالپى اۋدانى ءبىر جىلدا 3،4%-عا، 7،9 ملن شارشى مەترگە دەيىن ءوستى، ونىڭ ىشىندە اۋىلدىق جەرلەرگە 22،4%-ى تيەسىلى بولدى.
