وليمپيادا كۇنىنە ارنالعان ەل ايماقتارى اراسىنداعى ەستافەتا 23 ماۋسىم كۇنى ەلورداداعى ترياتلون ساياباعىندا اياقتالادى.
الماتىدا وليمپيادا باعدارلاماسىنداعى ەڭ جاس سپورت تۇرلەرىنىڭ ءبىرى – سپورتتىق قۇزعا ورمەلەۋدەن تۋرنير ءوتتى، دەپ حابارلايدى Almaty-akshamy.kz ق ر ۇلتتىق وليمپيادا كوميتەتىنىڭ سايتىنا سىلتەمە جاساپ.
قازاقستاندىقتار حالىقارالىق وليمپيادا كۇنىن تويلاۋدى ودان ءارى جالعاستىرۋدا. جەڭىل اتلەتيكا جارىستارى مەن ەلىمىزدىڭ سولتۇستىگىندە وتكەن ۆەلودودادان سوڭ ەستافەتانى وڭتۇستىك ءوڭىر قابىل الدى. «ءبارىمىز بىرگە: جىلدام، بيىككە، مىقتى» ۇرانى ارقىلى سپورتشىلار بۇكىل ەلمەن ىنتىماقتاستىقتا ەكەنىن بىلدىرۋدە. الماتىدا وليمپيادا باعدارلاماسىنداعى ەڭ جاس سپورت تۇرلەرىنىڭ ءبىرى – سپورتتىق قۇزعا ورمەلەۋدەن تۋرنير ءوتتى.
توكيو وليمپياداسىندا سپورتتىق قۇزعا ورمەلەۋشىلەر العاش رەت ب ا ق سىنايدى. ولاردىڭ قاتارىندا قازاقستاندىق ريشات حايبۋللين دە بار. الماتى تۋماسى 2019 جىلعى الەم بىرىنشىلىگىندە جۇلدە مەن جولداما جەڭىپ العان بولاتىن.
«سپورتتىق قۇزعا ورمەلەۋ وتە جاس سپورت ءتۇرى سانالادى. سوعان قاراماستان، ونى دامىتۋعا مۇمكىندىگىمىز بار. تابيعي جانە جاساندى قۇزداردى ەلىمىزدىڭ ءار ايماعىنان تابۋعا بولادى. توكيودا ەل نامىسىن قورعايتىن اتلەتىمىز دە بار. ريشات حايبۋللينگە وليمپيادا ويىندارىندا ساتتىلىك تىلەيمىز.
پاندەميا وليمپيادالىق تۋرنيرلەردىڭ جارىس كەستەسىنە ءبىراز وزگەرىس ەنگىزدى. كوپتەگەن ىرىكتەۋ جارىستارى وتپەي قالدى. حالىقارالىق وليمپيادا كوميتەتى ويىن كەستەسىن ازايتقاندىقتان، توكيوداعى سپورتشىلار سانى ريو وليمپياداسىنان ەكى مىڭعا كەم بولماق.
دەگەنمەن، سپورتتىق قۇزعا ورمەلەۋ، كاراتە سەكىلدى جاڭا باعدارلامالار ءبىزدىڭ العا باسىپ، بيىكتەردەن كورىنۋىمىزگە سەبەپ بولارى ءسوزسىز»، - دەيدى ەلسيار قاناعاتوۆ.
جاس سپورتشىلار 2024 جىلعى پاريج وليمپياداسىنا ب ا ق سىناۋدا كوزدەپ، ۇلتتىق قۇراماعا قابىلدانۋ ءۇشىن بار كۇشىن سالماق.
«قازاقستاندا سپورتتىڭ بۇل ءتۇرىن دامىتۋعا ۇلكەن مۇمكىندىكتەر بەرىلگەن. سوندىقتان، بىزگە ريشات سالعان داڭعىلدى ودان ءارى جالعاستىرىپ، بيىككە ۇمتىلا بەرۋ كەرەك. جاستاردىڭ تالابى ۇلكەن ەكەنى قۋانتادى. ەڭ باستىسى - اتالعان سپورت ءتۇرى جاستار اراسىندا كەڭىنەن تانىلۋدا. بولاشاققا سەنىممەن قارايمىز. ۆەلوسپورت نەمەسە جەڭىل اتلەتيكا سىندى بۇقارالىق سپورت تۇرىنە اينالاتىنىمىز دا انىق»، - دەيدى سپورتتىق قۇزعا ورمەلەۋدەن ق ر جاستار قۇراماسىنىڭ اعا جاتتىقتىرۋشىسى الەكساندر نيگماتۋلين.
جاسوسپىرىمدەر اراسىنداعى ەل چەمپيوناتىنىڭ جۇلدەگەرلەرى «بوۋلدەرينگ» پەن «قيىندىق» بويىنشا سىنعا ءتۇستى. ەكى بالالار توبى «جىلدامدىق» بويىنشا جارىسقانىن دا ايتا كەتۋ كەرەك.
ماتۆەي ەسيپوۆ، «جىلدامدىق» بويىنشا 2021 جىلعى ق ر چەمپيوناتىنىڭ جۇلدەگەرى:
«بۇل وتە قىزىقتى سپورت ءتۇرى. ءتۇرلى ەموسيا سىيلايدى. ارينە، باپكەردىڭ جەتەكشىلىگىمەن، قاۋىپسىزدىك شارالارىن ساقتاۋ ارقىلى شۇعىلدانۋ كەرەك. سوندىقتان، سپورت مەكتەپتەرى مەن ۇيىرمەلەرىنە كەلىپ ۇيرەنىڭىزدەر، جارىسىپ كورىڭىزدەر. بۇل وتە كەرەمەت سەزىم».
وليمپيادا كۇنىن تويلاۋ 21 ماۋسىم كۇنى اقتاۋدا جالعاسادى. اتالعان قالادا بوكس پەن دزيۋدودان شەبەرلىك ساباقتارى وتەدى. وليمپيادا كۇنىنە ارنالعان ەل ايماقتارى اراسىنداعى ەستافەتا 23 ماۋسىم كۇنى ەلورداداعى ترياتلون ساياباعىندا اياقتالادى. بۇل كۇنى كوشە سپورت تۇرلەرىنەن مەرەكەلىك شارا وتەدى. بۇل ءىس-شارانى «Qazsport» ارناسىنىڭ تىكەلەي ەفيرىنەن تاماشالاي الاسىزدار.