بۇگىنگى تاڭدا 28 مىڭنان استام بەينەكامەرا ورناتىلدى.
2023 جىلدىڭ سوڭىنا دەيىن رەسپۋبليكادا قالعان 16 تۇزەتۋ مەكەمەسىنە ۇزدىكسىز بەينەباقىلاۋ ەنگىزىلەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قىلمىستىق-اتقارۋ جۇيەسى كوميتەتىنىڭ باسپا ءسوز حاتشىسى رومان تەلەنكوۆتىڭ ايتۋىنشا، قاج كوميتەتى پەنيتەنسيارلىق مەكەمەلەردە ۇزدىكسىز بەينەباقىلاۋ ەنگىزۋ جۇمىسىن جۇرگىزىپ جاتىر.
ونىڭ ايتۋىنشا، بيىل 78 مەكەمەنىڭ 62ء-سى ۇزدىكسىز بەينەباقىلاۋمەن قامتىلعان.
«بۇگىنگى تاڭدا 28 مىڭنان استام بەينەكامەرا ورناتىلدى، بۇل «بەينەباقىلاۋسىز ورىنداردى» تولىعىمەن جويادى. قالعان 16 مەكەمە بويىنشا بەينەمونيتورينگ ەنگىزۋدى 2023 جىلدىڭ سوڭىنا دەيىن اياقتاۋ جوسپارلانعان. بەينەباقىلاۋ ادامنىڭ جەكە باسىن نەمەسە كولىگىن انىقتاپ قانا قويماي، جاسالعان قۇقىقبۇزۋشىلىقتى انىقتاۋعا مۇمكىندىك بەرەتىن جاساندى ينتەللەكت جۇيەسىنە يە»، - دەدى رومان تەلەنكوۆ ق ر ءىىم ونلاين بريفينگىندە.
سونىمەن بىرگە، قاج كوميتەتىندە بارلىق بولىمشەلەردىڭ بەينەباقىلاۋ جۇيەلەرى تاراتىلاتىن احۋال ورتالىعى قۇرىلعان.
بۇل مەكەمەنىڭ قىزمەتىنە باقىلاۋدى جۇزەگە اسىرۋ مەن بۇزۋشىلىقتار تۋرالى مالىمەتتى وڭىرلىك دەڭگەيدە عانا ەمەس، كوميتەت دەڭگەيىندە دە الۋعا مۇمكىندىك بەرەدى.
بۇگىنگى تاڭدا ولاردىڭ ءبىر بولىگى ورتالىققا قوسىلعان.
«سونىمەن قاتار، قاداعالاۋشى پروكۋرورلار ءۇشىن بەينەسۋرەتتەردى قاشىقتان قاراۋ مۇمكىندىگى قامتاماسىز ەتىلەدى. احۋال ورتالىعىنا ۇيالى بايلانىستى وشىرگىشتەردىڭ جانە ادام مەن جۇك تەكسەرۋ قوندىرعىلارىنىڭ بەلسەندىلىگىن مونيتورينگتەۋ جۇيەسى قوسىلادى. جالپى، جاپپاي بەينەباقىلاۋدى ەنگىزۋ پەنيتەنسيارلىق مەكەمەلەردە قۇقىقتىق ءتارتىپتى ساقتاۋدى جانە توتەنشە جاعدايلار مەن قىلمىستارعا جول بەرمەۋدى قامتاماسىز ەتۋگە باعىتتالعان»، - دەيدى قاج كوميتەتىنىڭ باسپا ءسوز حاتشىسى.