ۇيىمداستىرۋشىلار بايقاۋدىڭ جوسپارلارىمەن بولىسپەك.
20 جىلعا جۋىق ۇزىلىستەن سوڭ الماتىدا ورتالىق ازيانىڭ ەڭ بەدەلدى مۋزىكالىق فەستيۆالدەرىنىڭ ءبىرى قايتا وتكىزىلمەك، دەپ حابارلايدى Almaty-akshamy.kz inbusiness.kz cىلتەمە جاساپ.
فەستيۆال باسپا ءسوز قىزمەتىنىڭ حابارلاۋىنشا، فەستيۆالدىڭ نەگىزىن قالاۋشى مۇرات يرعالييەۆتىڭ 2020 جىلى جانە رەجيسسەر الەكساندر پونوماريەۆتىڭ 2021 دۇنيەدەن وتكەنىنە بايلانىستى "ازيا داۋىسىن" وتكىزۋ قۇقىعى الماتى قالاسى اكىمدىگىمەن جانە الماتى قالاسىنىڭ مادەنيەت باسقارماسىمەن بىرگە مۋزىكالىق شارانىڭ بىرگە قايتا جاندانۋىنا باستاماشىلىق جاساعان "ازيا داۋىسى" حالىقارالىق فەستيۆالى" قوعامدىق قورىنىڭ قۇزىرلىعىنا ءوتتى.
قازاقستاننىڭ مادەنيەتىن دامىتۋعا قوسقان ۇلەسىن ەسكە الۋ ءۇشىن "جاس قانات" رەسپۋبليكالىق بايقاۋى اياسىندا مۇرات يرعالييەۆ پەن الەكساندر پونوماريەۆ اتىنداعى گران-پري ديپلومىن، "ۇلكەن قانات" ارنايى نوميناسياسىن جانە 1 000 000 تەڭگە اقشالاي سىيلىق تاعايىندالدى.
ەسكە سالا كەتەيىك، "ازيا داۋىسى" حالىقارالىق مۋزىكالىق فەستيۆالى العاش رەت 1990 جىلى ءوتتى، سول كەزدە "مەدەۋ" مۇز ايدىنىنا 15 ەلدەن قاتىسۋشىلار كەلگەن بولاتىن. 1994 جىلى فەستيۆال كانن الەمدىك شوۋ-بيزنەس فەستيۆالىنىڭ (فرانسيا) ارنايى سىيلىعىن الدى، ال 1998 جىلى "ازيا داۋىسى" حالىقارالىق فەستيۆال ۇيىمداستىرۋشىلار فەدەراسياسى الەمنىڭ ۇزدىك فەستيۆالى اتاعىن العان بولاتىن.
21 جەلتوقساندا باسپا ءسوز كونفەرەنسياسىندا ۇيىمداستىرۋشىلار الداعى "ازيا داۋىسى" حالىقارالىق فەستيۆالى مەن "جاس قانات" رەسپۋبليكالىق كونكۋرسىنىڭ جوسپارلارىمەن بولىسپەك. فەستيۆالدىڭ باس پروديۋسەرى - ارمانجان بايتاسوۆ.