بۇۇ قازاقستاندىق بالالاردىڭ تاماقتانۋىندا قانداي ماسەلەلەر بار ەكەنىن ايتتى، دەپ حابارلايدى aqshamnews.kz
بالالىق شاقتاعى دۇرىس تاماقتانباۋ دەنساۋلىققا ۇزاق مەرزىمدى اسەر ەتەدى. قازاقستانداعى جاعداي قانشالىقتى كۇردەلى ەكەنى جانە قانداي شارالار قابىلدانىپ جاتقانى تۋرالى بۇۇ بالالار قورىنىڭ (يۋنيسەف) دەنساۋلىق ساقتاۋ جانە تاماقتانۋ باعدارلامالارىنىڭ ۇيلەستىرۋشىسى باۋىرجان ءجۇسىپوۆ ايتىپ بەردى.
Noks.kz دەرەگىنشە، يۋنيسەف-تىڭ قولداۋىمەن ۇلتتىق ستاتيستيكا بيۋروسى جۇرگىزگەن زەرتتەۋ 20 مىڭ وتباسىنى قامتىعان. ونىڭ ناتيجەسىنە سايكەس، ەلدە 5 پەن 9 جاس ارالىعىنداعى بالالاردىڭ 23%-ى ارتىق سالماققا يە.
سونىمەن قاتار 6%-ى سەمىزدىككە شالدىققان. بۇل، اسىرەسە، ۇل بالالار اراسىندا ءجيى كەزدەسەدى. جاعدايدى وزگەرتۋ ماقساتىندا 1 قىركۇيەكتەن باستاپ قازاقستاندا مەكتەپتەر مەن دەنساۋلىق ساقتاۋ مەكەمەلەرىندە جاڭا تاماقتانۋ ستاندارتى ەنگىزىلەدى. يۋنيسەف بۇل ستاندارتتى ءتيىستى مينيسترلىكتەرمەن بىرلەسە وتىرىپ ازىرلەگەن.
ەلىمىزدە شامامەن 1،7 ميلليون بالا تەگىن ىستىق تاماقپەن قامتىلعان. ەندى جاڭا ستاندارتتارعا ساي بۇل تاعامدار دارۋمەندەر مەن ميكروەلەمەنتتەرگە باي بولۋى ءتيىس.
بۇل ەرەجە بالالاردىڭ تولىققاندى دامۋىنا قاجەت تۇراقتى جانە سالاۋاتتى ادەتتەردى قالىپتاستىرۋعا باعىتتالعان.