بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ۇكىمەت وتىرىسىندا ايتتى.
بۇل حالىقتىڭ جالپى سانىنىڭ 48 %-ىن قۇرايدى دەپ جازادى اlmaty-akshamy.kz inbusiness.kz-كە سىلتەمە جاساپ.
ايەلدەردىڭ 35%-ى ساۋدا جانە قىزمەت كورسەتۋ سالاسىندا، 32%-ى ءبىلىم، دەنساۋلىق ساقتاۋ جانە عىلىم سالاسىندا، 14%-ى ونەركاسىپتە، قۇرىلىستا جانە كولىكتە، 9%-دان استامى اۋىل شارۋاشىلىعىندا جۇمىس ىستەيدى.
«وڭىرلىك جۇمىسپەن قامتۋ كارتالارى اياسىندا ايەلدەردى ناتيجەلى جۇمىسپەن قامتۋعا تارتۋ بويىنشا بەلسەندى جۇمىس جۇرگىزىلدى. ماسەلەن، 536 مىڭ ايەل ادام جۇمىسقا ورنالاستىرىلدى، بۇل بارلىق جۇمىسقا ورنالاستىرىلعان ازاماتتاردىڭ 55%-ىن قۇرادى. ال اعىمداعى جىلدىڭ ەكى ايىندا بۇل كورسەتكىش 92 مىڭنان استى»، – دەدى تامارا دۇيسەنوۆا.
مينيستر جاس ايەلدەردىڭ مەملەكەت سۋبسيديالايتىن جۇمىس ورىندارىنا جۇمىسقا ورنالاسۋ كەزىندە بەلسەندىلىگى جوعارى ەكەنىن ايتتى. وتكەن جىلى 30 مىڭعا جۋىق قىزدار العاش رەت جۇمىسقا ورنالاستى.