قۇجات تالقىلاۋ ءۇشىن اشىق نقا سايتىندا جاريالاندى.
ق ر ءىىم كولىك قۇرالدارىنىڭ جۇرگىزۋشىلەرىن دايارلاۋ، ەمتيحاندار قابىلداۋ جانە جۇرگىزۋشى كۋالىگىن بەرۋ ەرەجەسىنە تولىقتىرۋ ازىرلەدى، دەپ حابارلايدى Almaty-akshamy.kz
اتاپ ايتقاندا، وقىتۋ ساپاسىن ارتتىرۋ ماقساتىندا ونلاين جانە قاشىقتىقتان وقىتۋ نىساندارى جويىلادى.
بۇعان قوسا، جۇرگىزۋشىلەردى دايارلاۋ توپتارىنا قابىلدانعان وقۋ ۇيىمدارىنداعى تۇلعالاردى ەسەپكە الۋ جول ءجۇرىسى قاۋىپسىزدىگىن قامتاماسىز ەتۋ جونىندەگى ۋاكىلەتتى ورگاننىڭ اۆتوماتتاندىرىلعان اقپاراتتىق جۇيەسىن پايدالانا وتىرىپ جۇرگىزىلەدى.
قۇجاتتا وقىتۋدىڭ نەگىزگى نىساندارى تەوريالىق، پراكتيكالىق ساباقتار بولاتىنى جازىلعان.
ءاربىر ءپان بويىنشا تەوريالىق ساباقتار كۇنىنە ەكى ساعاتتان، ال پراكتيكالىق ساباقتار التى ساعاتتان اسپايتىنداي جوسپارلانادى.
ءبىر كۇن ىشىندە اۆتوموبيل جۇرگىزۋدى ۇيرەنۋشىنىڭ بىرەۋىنە:
اۆتوترەناجەردە كەمىندە ءبىر ساعات؛
وقۋ اۆتوموبيلىندە "لەكتە ءجۇرۋ" جاتتىعۋىن، سونداي-اق ءتورت ساعات ىشىندە پىسىقتالاتىن، جۇك تاسىمالداۋمەن بايلانىستى جاتتىعۋلاردى قوسپاعاندا، كەمىندە ەكى ساعات پىسىقتاپ ۇيرەتۋگە رۇقسات ەتىلەدى.
ەمتيحانداردى قابىلداۋ راسىمدەرىن ۇيىمداستىرۋشىلىق-تەحنولوگيالىق سۇيەمەلدەۋدى "ازاماتتارعا ارنالعان ۇكىمەت "مەملەكەتتىك كورپوراسياسى" كوممەرسيالىق ەمەس اكسيونەرلىك قوعامى ىسكە اسىرادى.
كولىك قۇرالدارىنىڭ جۇرگىزۋشىلەرىن دايارلاۋ، ەمتيحاندار قابىلداۋ جانە جۇرگىزۋشى كۋالىگىن بەرۋ ەرەجەسىندە قازاقستان رەسپۋبليكاسىنىڭ ۇلتتىق جۇرگىزۋشى كۋالىگى مىنا جاعدايدا جارامسىز دەپ ەسەپتەلىپ، كۇشى جويىلاتىنى جازىلعان:
ونىڭ جارامدىلىق مەرزىمى؛
يەسىنە جاڭا جۇرگىزۋشى كۋالىگىن بەرۋ؛
جۇرگىزۋشى كۋالىگىندە كورسەتىلگەن يەسىنىڭ دەربەس دەرەكتەرىندەگى وزگەرىستەر؛
ونىڭ جوعالۋى نەمەسە وندا قامتىلعان مالىمەتتەردى كوزبەن شولىپ انىقتاۋعا مۇمكىندىك بەرمەيتىن زاقىمدانۋلاردىڭ بولۋى؛
جۇرگىزۋشىدە كولىك قۇرالدارىن باسقارۋعا مەديسينالىق قارسى كورسەتىلىمدەردىڭ بولۋى؛
جالعان (جالعان) قۇجاتتار نەگىزىندە نە قازاقستان رەسپۋبليكاسىنىڭ جول قوزعالىسى تۋرالى زاڭناماسىن بۇزا وتىرىپ جۇرگىزۋشى كۋالىگىن بەرۋ.
تەوريالىق نەمەسە پراكتيكالىق ەمتيحانداردى تاپسىرۋ ءۇشىن ەمتيحان الۋشىلار پورتال، پورتالدىڭ ينتەگراسيالىق سەرۆيستەرى، ۋاكىلەتتى ورگان ايقىنداعان اقپاراتتاندىرۋ وبەكتىلەرى ارقىلى نەمەسە كورسەتىلەتىن قىزمەتتەر وپەراتورىنا جۇگىنۋ ارقىلى ءوتىنىش بەرەدى.