بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا مالىمدەدى.
ءمينيستردىڭ ايتۋىنشا، ەلىمىزگە كەلىپ جاتقان رەسەي ازاماتتارى ەلدىڭ ەڭبەك نارىعىنا قاتتى اسەر ەتىپ جاتىر، دەپ حابارلايدى Almaty-akshamy.kz
ەڭبەك مينيسترلىگى ەلگە جۇمىس ىزدەپ كەلەتىن شەتەلدىكتەر سانىنا كۇن سايىن مونيتورينگ جۇرگىزىلەتىنىن اتاپ ءوتتى.
«جىل باسىنان بەرى قازاقستانعا رەسەيدەن 262 مىڭ ادام كەلگەن. ونىڭ ىشىندە 6518ء-ى ەلگە كىرۋدەگى ماقساتى جۇمىسقا ورنالاسۋ ەكەنىن كورسەتتى. قازاقستاندا ءقازىر 8،7 ملن ازامات جۇمىس ىستەيدى. بيىل شەتەلدىك جۇمىسشىلاردى تارتۋعا كۆوتا 28 مىڭعا ادامعا بەرىلدى، ونىڭ تەك 15 مىڭى عانا ىستەپ ءجۇر. ال ەاەو ەلدەرىنىڭ ازاماتتارىنا كۆوتا قاجەت ەمەس. ولار قازاقستانعا ەمىن-ەركىن كەلىپ-كەتىپ، ەڭبەك ەتە الادى. ءقازىر قازاقستاندا رەسەيدىڭ 25 301 ازاماتى جۇمىس ىستەيدى. جاڭادان كەلگەندەردى ەسەپكە الساق، ءقازىر رەسپۋبليكا اۋماعىندا جۇرگەن جانە ەلگە كەلۋ ماقساتى – جۇمىسقا ورنالاسۋ دەپ كورسەتكەن شامامەن 31 مىڭ ادام بار»، - دەدى دۇيسەنوۆا.
مينيستر قازاقستانعا كىرىپ جاتقان رەسەيلىكتەر ەڭبەك نارىعىنا قاتتى اسەر ەتىپ جاتپاعانىن، ۇكىمەت، ەڭ الدىمەن، قازاقستاندىق جاستاردى جۇمىسقا ورنالاستىرۋعا باسىمدىق بەرەتىنىن اتاپ ءوتتى.
«ەگەر ازاماتتار تىم كوپ كەلىپ، ۇلتتىق قاۋىپسىزدىگىمىزگە ءقاۋىپ تونسە، ءبىز قوسىمشا شارالار قابىلدايمىز»، - دەپ سەندىردى مينيستر.