ق ر ءىىم م.ەسبولاتوۆ اتىنداعى الماتى اكادەمياسىنىڭ عالىمدارى ازامات شيدەموۆ پەن اسقار بەرەكەنوۆ تمد-نىڭ “ۇزدىك جاس عالىم – 2022” بايقاۋىندا I دارەجەلى ديپلومدارمەن جانە توسبەلگىلەرىمەن ماراپاتتالدى.
تاۋەلسىز مەملەكەتتەر دوستاستىعى ەلدەرىنىڭ “ۇزدىك جاس عالىم – 2022” V حالىقارالىق كىتاپ باسىلىمى – تاۋەلسىز مەملەكەتتەر دوستاستىعى ەلدەرى جاس عالىمدارىنىڭ ەڭبەگى مەن جەكە جەتىستىكتەرىن ناسيحاتتاۋعا باعىتتالعان بىرەگەي جوبا، دەپ حابارلايدى Almaty-akshamy.kz Polisia.kz-كە سىلتەمە جاساپ.
“بوبەك” جالپىۇلتتىق قوزعالىسى” زاڭدى تۇلعالار بىرلەستىگىنىڭ قولداۋىمەن جاس عالىمداردىڭ حالىقارالىق قاۋىمداستىعى ۇيىمداستىرعان جوباعا رەسەي فەدەراسياسىنان، بەلارۋس، قازاقستان، وزبەكستان، تاجىكستان جانە قىرعىزستان رەسپۋبليكالارىنان حالىقارالىق ىنتىماقتاستىق جانە عىلىمي ينتەگراسيانىڭ ودان ءارى دامۋ اياسىنداعى عىلىمي ازىرلەمەلەرگە قىزىعۋشىلىق تانىتقان، بولاشاعىنان زور ءۇمىت كۇتتىرەتىن تالانتتى جاستار قاتىستى. اكادەميا باستىعى ايدار سايتبەكوۆ جەڭىمپاز عالىمداردى قۇتتىقتاپ، ولارعا عىلىمي قىزمەتتە ودان ءارى زور بيىكتەردى باعىندىرۋعا تىلەك ءبىلدىردى.