بالالاردىڭ 86،5%-دا اتالعان ىندەت سيمپتومسىز وتكەن.
جىل باسىنان بەرى قازاقستاندا 30 مىڭنان استام بالا COVID-19 ىندەتىنە شالدىقتى، دەپ حابارلايدى Almaty-akshamy.kz ق ر دسم وكىلىنىڭ سوزىنە سىلتەمە جاساپ.
«2021 جىلدىڭ 1 قاڭتارىنان باستاپ بۇگىنگە دەيىن بالالار اراسىندا 31 مىڭ 188 جاعداي تىركەلدى. ولاردىڭ 88%-ى بۇگىندە جازىلىپ شىقتى، ورتاشا ەسەپپەن اۋىرتپالىق 14،3%-دى قۇرادى. بالالاردىڭ 86،5%-دا اتالعان ىندەت سيمپتومسىز بولدى. بۇعان دەيىن ايتىپ وتكەنىمدەي، بالالار اراسىندا كوروناۆيرۋستىڭ تارالۋ قارقىنى ءوسىپ وتىر. ەگەر بيىلعى قاڭتار مەن شىلدە ايىن سالىستىرار بولساق، شىلدە ايىندا بالالار اراسىندا ۆيرۋسقا شالدىعۋ 2 ەسەگە ءوستى»، - دەدى ايجان ەسماعامبەتوۆا وكق-دە وتكەن باسپا ءسوز ءماسليحاتىندا.
ودان بولەك، كوميتەت باسشىسى ۇجىمدىق يممۋنيتەت قالىپتاسپاي اتالعان ىندەتتىڭ تارالا بەرەتىنىن ەسكەرتتى.