قازاقستاندا 23 ملن توننادان استام مال ازىعى دايىندالدى
2025–2026 جىلدارداعى قىسقى ماۋسىمعا دايىندىق اياسىندا اۋىل شارۋاشىلىعى جانۋارلارىنا ارنالعان مال ازىعىن دايىنداۋ جۇمىستارى بەلسەندى جالعاسۋدا، دەپ حابارلايدى aqshamnews.kz اشم سايتىنا سىلتەمە جاساپ.
جەرگىلىكتى اتقارۋشى ورگانداردىڭ مالىمەتىنشە، 19،5 ملن توننا ءشوپ (جوسپاردىڭ 79،6%-ى)، 1،5 ملن توننا پىشەندەمە (89،2%)، 620،8 مىڭ توننا قۇراماجەم (11،1%)، 1،28 ملن توننا سابان (27،6%)، 367،1 مىڭ توننا سۇرلەم (18،1%) دايىندالدى.
بەلسەندى جۇمىس قوستاناي (98،0%)، اقمولا (96،5%)، سولتۇستىك قازاقستان (106،7%)، پاۆلودار (91،1%) وبلىستارىندا، جەتىسۋ وبلىسىندا (91،0%)، سونداي-اق شىمكەنت قالاسىندا 100% جوسپار ورىندالعانى بايقالادى.
دايىندالعان مال ازىعىنىڭ كورسەتىلگەن كولەمدەرى جانۋارلاردى تولىققاندى ازىقتاندىرۋعا، جوسپارلى ءونىم مەن ءتول الۋعا، سونداي-اق مال باسىنىڭ ساقتالۋىن قامتاماسىز ەتۋگە مۇمكىندىك بەرەدى.
جالپى رەسپۋبليكاداعى مال ازىعىمەن قامتاماسىز ەتۋ جاعدايى تۇراقتى.