كارانتين جەڭىلدەيدى
ق ر دەنساۋلىق ساقتاۋ ءمينيسترى الەسەي سوي ۇكىمەت وتىرىسىندا 20 قازاننان باستاپ قازاقستاندا كارانتين شارالارى جەڭىلدەيتىنىن ايتتى، دەپ حابارلايدى Almaty-akshamy.kz
«ەپيدەميولوگيالىق جاعدايدىڭ تۇراقتانۋىن، سونداي-اق ۆەدومستۆوارالىق كوميسسيانىڭ ۆاكسيناسياعا جاتاتىن كونتينگەنتتىڭ 70%-دان استامىن ەكپەمەن قامتىعانىن ەسكەرە وتىرىپ، 2021 جىلعى 20 قازاننان باستاپ مىناداي شارالارعا رۇقسات بەرۋ تۋرالى شەشىم قابىلداندى: كەلۋشىلەر COVID-19-عا قارسى ۆاكسيناسيالاۋدىڭ تولىق كۋرسىن العانى تۋرالى قۇجاتتى نەمەسە پتر انىقتاماسىن ۇسىنعان كەزدە قارتتار مەن مۇگەدەكتەر ءۇيى، بالالار ءۇيى سياقتى مەديسينالىق-الەۋمەتتىك وبەكتىلەردىڭ پاسيەنتتەرىنە بارۋعا رۇقسات بەرىلەدى»، - دەدى ۆەدومستۆو باسشىسى.
سونداي-اق، ول تۇنگى كلۋبتاردىڭ قىزمەتى تەك «جاسىل» مارتەبەسى بار ادامدارعا ارنالاتىنىن ەسكەرتتى.
«ولاردىڭ تولىمدىلىعى 50%-عا دەيىن، ءبىراق «جاسىل ايماقتا» 100 ادامنان، «سارى ايماقتا» 70 ادامنان، «قىزىل ايماقتا» 50 ادامنان ارتىق بولماۋى شارت. Ashyq جوباسىنا قاتىساتىن بيزنەس وبەكتىلەرىنىڭ جۇمىس ۋاقىتى «جاسىل ايماقتا» ساعات 03-00-گە دەيىن، Ashyq جوباسىنىڭ كوشباسشىلارى - ساعات 05-00-گە دەيىن، «سارى ايماقتا» ساعات 01-00-گە دەيىن، Ashyq جوباسىنىڭ كوشباسشىلارى - ساعات 03-00-گە دەيىن ۇزارتىلادى»، - دەدى مينيستر.