بۇگىنگى تاڭدا نەگىزگى ءداندى داقىلدار بويىنشا 12،6 ملن گەكتاردان استام ءداندى جانە بۇرشاقتى داقىلدار جينالدى.
ورتاشا ونىمدىلىگى 14،7 س/گا بولعان كەزدە 18،5 ملن توننادان استام استىق باستىرىلدى، دەپ حابارلايدى aqshamnews.kz اۋىل شارۋاشىلىعى مينيسترلىگىنە سىلتەمە جاساپ.
ماسەلەن، بيداي 9،8 ملن گا القاپتا جينالىپ، ونىمدىلىگى 14،1 س/گا 13،9 ملن توننا باستىرىلدى، ارپا – 1،9 ملن گا، ونىمدىلىگى 16،6 س/گا 3،2 ملن.توننا باستىرىلدى، س ۇلى – 154،3 مىڭ گا، ونىمدىلىگى 15،9 س/گا 245،4 مىڭ توننا باستىرىلدى.
بيىلعى جىلى مايلى داقىلدار 395 مىڭ گا القاپتان جينالدى، ورتاشا ونىمدىلىگى 11،7 س/گا بولاتىن 461،1 مىڭ توننا باستىرىلدى.
87،8 مىڭ گەكتار القاپتان 232،9 س/گا ونىمدىلىك كەزىندە شامامەن 2،0 ملن توننا كارتوپ جينالدى، كوكونىس داقىلدارى 96،6 مىڭ گەكتاردان 248،2 س/گا ونىمدىلىك كەزىندە 2،4 ملن توننادان استام جينالدى.
باقشا داقىلدارى 96،2 مىڭ گا القاپتان جينالدى، ونىمدىلىگى 262،8 س/گا، جالپى الىم 2،5 ملن توننادان استى.
ەگىن جيناۋ ناۋقانىنا 149،9 مىڭ تراكتور، 37،6 مىڭ استىق جينايتىن كومباين، 14،9 مىڭ وراق جانە 195 مىڭ بىرلىك باسقا تەحنيكا جۇمىلدىرىلدى.
ەستەرىڭىزگە سالا كەتەيىك، كوكتەمگى ەگىس جانە ەگىن جيناۋ جۇمىستارىن جەڭىلدەتىلگەن قارجىلاندىرۋ كولەمى 580 ملرد.تەڭگەنى قۇرادى، بۇل وتكەن جىلدارمەن سالىستىرعاندا 3 ەسە كوپ.
ەگىن جيناۋ ناۋقانىن وتكىزۋدىڭ بارلىق ماسەلەلەرى ەرەكشە باقىلاۋدا.