ەڭبەكمينى شەتەلدىك جۇمىس كۇشىن تارتۋعا ارنالعان كۆوتانى 16%-عا قىسقارتتى.
2022 جىلعى 1 ساۋىردەگى مالىمەتكە سايكەس، جەرگىلىكتى اتقارۋشى ورگانداردىڭ رۇقساتى بويىنشا قازاقستان اۋماعىندا 16 278 شەتەلدىك ازامات ەڭبەك ەتەدى، دەپ حابارلايدى Almaty-akshamy.kz مينيسترلىكتىڭ باسپا ءسوز قىزمەتىنە سىلتەمە جاساپ.
شەتەلدىك جۇمىس كۇشىن (بۇدان ءارى – شجك) تارتۋعا رۇقساتتاردىڭ اراسىندا مىناداي ساناتتار بار: باسشىلار مەن ولاردىڭ ورىنباسارلارى ءۇشىن 639 رۇقسات (ءبىرىنشى سانات)، قۇرىلىمدىق بولىمشەلەردىڭ باسشىلارى ءۇشىن 3 150 رۇقسات (ەكىنشى سانات). تارتىلعان شجك نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە ولار 8 115 جانە 825 ادام. سونداي-اق ماۋسىمدىق جۇمىستارعا 1 197 ادام، ال كورپوراتيۆتىك اۋىستىرۋ اياسىندا 2 352 ادام تارتىلدى.
قازىرگى ۋاقىتتا قازاقستاندا شجك پايدالاناتىن 1 683 جۇمىس بەرۋشى بار. ولاردا 429 مىڭنان استام قازاقستان ازاماتتارى جۇمىس ىستەيدى، بۇل قىزمەتكەرلەردىڭ جالپى سانىنىڭ 96%-ىن قۇرايدى.
ەڭبەك ميگرانتتارى كەلەتىن نەگىزگى ەلدەر: جۇڭگو – 3 685 ادام، تۇركيا – 1 977 ادام، ءۇندىستان – 1 268 ادام، وزبەكستان – 1 195 ادام، سەربيا – 1 109 ادام.
ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى (بۇدان ءارى – ەڭبەكمينى) جىل سايىن رەسپۋبليكاعا شەتەلدىك مامانداردى تارتۋعا كۆوتا بەلگىلەيتىنىن جانە بولەتىنىن ەستەرىڭىزگە سالا كەتەيىك.
وسى جىلعى قاڭتاردا ءىرى وتاندىق بيزنەس وكىلدەرىمەن كەزدەسۋ قورىتىندىسى بويىنشا مەملەكەت باسشىسىنىڭ بەرگەن تاپسىرماسىن ورىنداۋ ءۇشىن ەڭبەكمينى شەتەلدىك جۇمىس كۇشىن تارتۋعا ارنالعان كۆوتانى بۇرىن جوسپارلانعان 28 352 بىرلىكتەن 23 560 بىرلىككە دەيىن، ياعني 4 792 ادامعا (16%) قىسقارتتى.