سۋ جانە يرريگاسيا مينيسترلىگىنىڭ باسسەيندىك ينسپەكسيالارى توتەنشە جاعدايلار مينيسترلىگى جانە جەرگىلىكتى اتقارۋشى ورگاندارمەن بىرلەسىپ ەلىمىزدەگى 1502 گيدروتەحنيكالىق قۇرىلىسقا زەردەلەۋ جۇرگىزدى.
زەردەلەۋ سۋ تاسقىنى كەزەڭىنە دايىندىق اياسىندا جۇرگىزىلدى. تەكسەرۋ ناتيجەسىندە گيدروتەحنيكالىق قۇرىلىستاردىڭ يەلەرىنە انىقتالعان كەمشىلىكتەردى جويۋ بويىنشا ۇسىنىستار بەرىلدى، دەپ حابارلايدى aqshamnews.kz.
Cۋ رەسۋرستارى جانە يرريگاسيا مينيسترلىگىنىڭ مالىمەتىنشە، ەلىمىزدە 8 باسسەيندىك ينسپەكسيا بار. ول ارال-سىرداريا، بالقاش-الاكول، ەرتىس، ەسىل، جايىق-كاسپيي، نۇرا-سارىسۋ، توبىل-تورعاي جانە شۋ-تالاس باسسەيندىك ينسپەكسيالارى.
«بارلىق سۋ قويمالارى بەكىتىلگەن كەستە بويىنشا جۇمىس ىستەيدى، جوسپار سۋ تاسقىنىنا قاتىستى بولجامدارعا بايلانىستى تۇزەتىلەتىن بولادى. كوكتەمگى سۋ تاسقىنى كەزىندە ەرىگەن قار سۋىن قابىلداۋعا بوس ورىندى قامتاماسىز ەتۋ ءۇشىن ەلدىڭ سولتۇستىك، باتىس، شىعىس جانە ورتالىق سۋ قويمالارىنان سۋ جىبەرىلدى. قازاقستاننىڭ وڭتۇستىگىندەگى سۋ قويمالارى سۋ جيناۋ رەجيمىندە جۇمىسىن جالعاستىرۋدا»،- دەپ مالىمدەدى سۋ رەسۋرستارىن رەتتەۋ، قورعاۋ جانە پايدالانۋ كوميتەتى ءتوراعاسىنىڭ مىندەتىن اتقارۋشى گۇلميرا يماشيەۆا.