ادامدى بەت-الپەتىنە قاراپ تانيتىن كامەرا قازاقستاننىڭ ەكى قالاسىندا ىسكە قوسىلدى، دەپ حابارلايدى aqshamnews.kz.
بۇل يننوۆاسيالىق جوبا ىشكى ىستەر مينيسترلىگى، ۇلتتىق قاۋىپسىزدىك كوميتەتى جانە سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ ىنتىماقتاستىعىمەن ازىرلەندى. ۇلتتىق بەينەمونيتورينگ جۇيەسى ىزدەۋدە جۇرگەن ادامداردى تانۋعا، قوعامدىق ورىنداردا قالىپ كەتكەن زاتتار تۋرالى سيگنال بەرۋگە، قۇقىق بۇزۋشىلىقتاردى اۆتوماتتى تۇردە تىركەۋگە مۇمكىندىك بەرەدى. سونىمەن قاتار بۇل كومپيۋتەرلىك باعدارلاما كولىكتى ماركاسى، مودەلى جانە ءتۇسى بويىنشا انىقتاي الادى.
جۇيە ءوز تيىمدىلىگىن كورسەتىپ ۇلگەردى. مىسالى دۇنيەجۇزىلىك كوشپەندىلەر ويىندارىن وتكىزۋ كەزىندە ەلوردانىڭ قوعامدىق ورىندارىندا جوعالعان بالالاردى، سونداي-اق ەسەپتە تۇرعاندار مەن حابار-وشارسىز كەتكەن ادامداردى جەدەل تابۋعا مۇمكىندىك بەردى. بۇل جۇيەنىڭ كومەگىمەن استانادا ىزدەۋدە جۇرگەن 46 قۇقىق بۇزۋشى جەدەل تۇردە انىقتالدى.
يننوۆاسيالىق جوبا الماتىدا دا جۇرگىزىلىپ جاتىر. مەگاپوليستە كۇدىككە ىلىنگەن 30 ادام انىقتالىپ، قۇرىقتالدى.
«ەنگىزىلگەن تەحنولوگيالار – اقىلدى قالالاردى قۇرۋعا جاسالعان قادام. ولار قوعامدىق قاۋىپسىزدىك دەڭگەيىن ارتتىرىپ، قىلمىستى ازايتۋعا كومەكتەسەدى. مۇنداي جۇيەلەر قىتايدا، رەسەيدە جانە ەۋروپا ەلدەرىندە بەلسەندى قولدانىلادى. الداعى ۋاقىتتا كامەرالار سانىن ۇلعايتا وتىرىپ، بەينەمونيتورينگتى كەڭەيتۋ جوسپارلانىپ وتىر. بۇل كەزەڭ-كەزەڭىمەن جۇرگىزىلەتىن بولادى»، دەلىنگەن حابارلامادا.