جالپى ەگىس القابىنىڭ 83،3% جينالعان.
قازاقستاندىق شارۋالار 13،2 ملن گا ءداندى جانە ءداندى-بۇرشاقتى داقىلداردى جيناپ ۇلگەردى، دەپ حابارلايدى Almaty-akshamy.kz.
«2021 جىلعى 15 قىركۇيەكتەگى جاعداي بويىنشا، رەسپۋبليكا بويىنشا 13،2 ملن گا ءداندى جانە ءداندى-بۇرشاقتى داقىلدار نەمەسە ولاردىڭ جالپى ەگىس القابىنىڭ 83،3% جينالدى»، – دەلىنگەن اۋىل شارۋاشىلىعى مينيسترلىگىنىڭ باسپا ءسوز قىزمەتىنىڭ حابارلاماسىندا.
مامانداردىڭ ايتۋىنشا، اعىمداعى ورتاشا ونىمدىلىك گەكتارىنا 9،1 س قۇراپ، 12 ملن توننا استىق باستىرىلدى.
نەگىزگى ەگىن ەگەتىن ءۇش وڭىردە - اقمولا، قوستاناي جانە سولتۇستىك قازاقستان وبلىستارىندا 10 ملن گا نەمەسە جيناۋ الاڭىنىڭ 86% جينالدى. ونىمدىلىك گەكتارىنا 8،3 س قۇراپ، 8،2 ملن توننا استىق باستىرىلدى.
ساقتاۋ سىيىمدىلىعى وتكەن جىلدان قالعان استىق پەن بيىلعى بولجانىپ وتىرعان استىق كولەمىن ساقتاۋعا جەتكىلىكتى.