4 مىڭ شارشى مەتردەن استام جولعا شۋ جولاقتارى قويىلادى.
جول جابىنىندا قىسقى كەزەڭ مەن كوكتەمگى سۋ تاسقىنىنان كەيىن پايدا بولعان اقاۋلاردى جويۋعا باعىتتالعان كەشەندى باعدارلاما بەكىتىلدى، دەپ حابارلايدى Almaty-akshamy.kz ييدم باسپا ءسوز قىزمەتىنە سىلتەمە جاساپ.
ونىڭ اياسىنداعى جۇمىستار كولىك قۇرالدارىنىڭ ءقاۋىپسىز جانە ۇزدىكسىز قوزعالىسىن قامتاماسىز ەتپەك. باعدارلاما شەڭبەرىندە ەل جولدارىنىڭ بويىندا 11500-گە جۋىق جول بەلگىسى مەن شاقىرىمدىق بەلگىنىڭ 2500-دەن استامى، 683 اقپاراتتىق پاننو، سونداي-اق 28 مىڭ دابىل باعاناسى ورناتىلماق.
بۇدان بولەك، رەسپۋبليكالىق ماڭىزى بار جولداردىڭ 600 مىڭ شارشى مەترىنە اعىمدىق جوندەۋ جۇرگىزۋ جوسپارلانۋدا. اتاپ ايتقاندا، شۇڭقىرلاردى جوندەۋ (474 مىڭ شارشى مەتر)، جولدى تەگىستەۋ (93 مىڭ شارشى مەتر)، بويلىق جانە كولدەنەڭ دەفورماسيالىق جىكتەردى جويۋ (6 284 مىڭ پ.م).
سونداي-اق، 672 مىڭ شارشى مەتر جولدا جارىقتاردى قۇيۋ ىسكە اسىرىلماق. سونىمەن قاتار، 4 مىڭ شارشى مەتردەن استام جولعا شۋ جولاقتارى ورناتىلادى. بۇدان بولەك، شامامەن 406 جول بۋفەرى، 141 مىڭنان استام كاتافوت جانە 32 جارىق ديودتى جول بەلگىسى قويىلماق.
رەسپۋبليكالىق جولداردا، سونداي-اق، 63 مىڭ مەترگە قورشاۋلار مەن اۆتوموبيل پاۆيلوندارى مەن دەمالىس الاڭدارىنىڭ 168 بىرلىگىن قۇرۋ جانە جوندەۋ جوسپارلانۋدا. جالپى، جول جوندەۋشىلەر بيىل 15 باعىتتى قامتيتىن بولادى.