قازاقستان ىستىقكول جاعالاۋىنداعى ءتورت دەمالىس ايماعىنان ايىرىلىپ قالۋى ىقتيمال، دەپ حابارلايدى aqshamnews.kz Kaktus Media-عا سىلتەمە جاساپ حابارلايدى.
2025 جىلدىڭ 14 ساۋىرىندە قىرعىز رەسپۋبليكاسىنىڭ جوگوركۋ كەنەشىندەگى حالىقارالىق ىستەر جونىندەگى كوميتەتى ەكى ەل اراسىنداعى كەلىسىمگە وزگەرىستەر ەنگىزۋ تۋرالى زاڭ جوباسىن ءۇش وقىلىمدا قابىلدادى.
قىرعىزستاننىڭ ەكونوميكا جانە كوممەرسيا ۆيسە-مينيسترى يسكەندەر اسىلكۋلوۆتىڭ ايتۋىنشا، قازاقستان 2006 جىلى جاسالعان كەلىسىم نەگىزىندە ىستىقكولدەگى ءبىرقاتار دەمالىس ايماعىن جالعا العان. ولارعا:
-
«وليمپ» سپورتتىق-ساۋىقتىرۋ ورتالىعى،
-
«سامال» پانسيوناتى،
-
«ۋنيۆەرسيتەت» لاگەرى
-
«قازاقستان» ءساناتورييى كىرەدى.
باستاپقى كەلىسىمدە بۇل نىسانداردى جاڭعىرتۋ مىندەتى بولعانىمەن، ناقتى تالاپتار مەن جاۋاپكەرشىلىك تەتىكتەرى انىق كورسەتىلمەگەن. 2009 جىلى تاراپتار 49 جىلعا جەر تەلىمدەرىن جالعا بەرۋ تۋرالى قوسىمشا كەلىسىمگە قول قويدى. ال 2023 جىلى قازاقستاننىڭ جاۋاپكەرشىلىك بولىگىن قايتا قاراپ، سول جىلدىڭ جەلتوقسانىندا جاڭا وزگەرىستەر ەنگىزىلدى.
نەگىزگى شارتتار:
-
رەكونسترۋكسيا مەرزىمى: 31 جەلتوقسان 2029 جىلعا دەيىن؛
-
«قازاقستان» ءساناتورييى – 4 جۇلدىزدى ءقوناقۇي دەڭگەيىنە دەيىن جاڭعىرتىلۋى ءتيىس؛
-
«ۋنيۆەرسيتەت» جانە «سامال» – كەم دەگەندە 3 جۇلدىز دەڭگەيىنە جەتۋى كەرەك؛
-
«وليمپ» – تولىققاندى سپورت بازاسىنا اينالۋى ءتيىس؛
-
قۇرىلىس پەن جوندەۋ جۇمىستارىنا كەمىندە 90% قىرعىزستاندىق ازاماتتار تارتىلۋى قاجەت (بۇرىن 80% بولعان).
مىندەت ورىندالماسا نە بولادى؟
ەگەر قازاقستان بەس جىل ىشىندە تالاپتاردى ورىنداماسا، نىساندار وتەماقىسىز قىرعىزستاننىڭ مەنشىگىنە قايتارىلادى.