قازاقستان ءوز ۇلتتىق مۇددەسىن قورعاۋعا باعىتتالعان تەڭگەرىمدى جانە كونسترۋكتيۆتى سىرتقى ساياساتىن جۇزەگە اسىرۋدى جالعاستىرادى. بۇل تۋرالى ق ر پرەزيدەنتى قاسىم-جومارت توقايەۆ سالتاناتتى ۇلىقتاۋ راسىمىندە ايتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
«قازاقستان ءوز ۇلتتىق مۇددەسىن قورعاۋعا باعىتتالعان تەڭگەرىمدى جانە كونسترۋكتيۆتى سىرتقى ساياساتىن جۇزەگە اسىرۋدى جالعاستىرادى. رەسەيمەن، قىتايمەن جانە ورتالىق ازياداعى باۋىرلاس مەملەكەتتەرمەن، ينتەگراسيالىق بىرلەستىكتەر جونىندەگى سەرىكتەستەرمەن اراداعى ءوزارا ءتيىمدى ىنتىماقتاستىق پەن ستراتەگيالىق ارىپتەستىك ماسەلەلەرى باستى نازاردا بولادى»، - دەدى قاسىم-جومارت توقايەۆ.
ق ر پرەزيدەنتى باسقا مەملەكەتتەرمەن دە ەلىمىز كوپجاقتى ىنتىماقتاستىقتى دامىتاتىندىعىن باسا ايتتى.
«اقش-پەن، ەۋروپالىق وداقپەن، ازيا، تاياۋ شىعىس جانە كاۆكاز مەملەكەتتەرىمەن، سونداي-اق باسقا مۇددەلى ەلدەردىڭ بارلىعىمەن كوپجاقتى ىنتىماقتاستىقتى دامىتۋ ءۇشىن بار كۇش-جىگەرىمىزدى جۇمسايمىز. قازاقستان قازىرگى حالىقارالىق قۇقىق پەن بۇۇ جارعىسىن بەرىك ۇستاناتىن ەل بولىپ قالا بەرەدى»، - دەدى مەملەكەت باسشىسى.