ۇستاز، دارىگەر، ءتارتىپ ساقشىسى، قۇتقارۋشى، جۇمىسشى، شارۋا سياقتى مامانداردىڭ مارتەبەسىن ودان ءارى ارتتىرا ءتۇسۋىمىز قاجەت. بۇل تۋرالى ۇلىقتاۋ راسىمىندە قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ ايتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«ادىلەتتى قازاقستاندا ەڭبەك ادامىنا ەرەكشە قۇرمەت كورسەتىلۋى ءتيىس. اسىرەسە، ۇستاز، دارىگەر، ءتارتىپ ساقشىسى، قۇتقارۋشى، جۇمىسشى، شارۋا سياقتى مامانداردىڭ مارتەبەسىن ودان ءارى ارتتىرا ءتۇسۋىمىز قاجەت»، - دەدى قاسىم-جومارت توقايەۆ.
وسى ورايدا پرەزيدەنت اتالعان ماماندىقتار بويىنشا قىزمەت ەتىپ جۇرگەندەر ەلىمىزدەگى ەڭ سىيلى ازاماتتارعا اينالۋى كەرەك ەكەنىن قاداپ ايتتى.
«وسى كاسىپ يەلەرى ءتيىستى قۇرمەت پەن سىيعا يە بولعاندا عانا، قوعامىمىز شىنىمەن جاڭاردى دەپ ايتا الامىز»، - دەدى مەملەكەت باسشىسى.