مەملەكەت باسشىسىنىڭ تاپسىرماسىنا سايكەس جويقىن جەر سىلكىنىسى سالدارىنان زارداپ شەككەن تۇركيا رەسپۋبليكاسىنا گۋمانيتارلىق كومەك رەتىندە $1 ملن ءبولىندى، دەپ حابارلايدى Almaty-akshamy.kz ق ر ۇكىمەتىنىڭ باسپا ءسوز قىزمەتىنە سىلتەمە جاساپ.
ق ر ۇكىمەتى 2023 جىلعى 8 اقپاندا ءتيىستى قاۋلى قابىلدادى.
ق ر قارجى مينيسترلىگىنە ق ر جانە باسقا مەملەكەتتەردىڭ اۋماعىندا تابيعي جانە تەحنوگەندىك سيپاتتاعى توتەنشە جاعدايلاردى جويۋ ءۇشىن 2023 جىلعا ارنالعان رەسپۋبليكالىق بيۋدجەتتە كوزدەلگەن ق ر ۇكىمەتىنىڭ توتەنشە رەزەرۆىنەن ق ر سىرتقى ىستەر مينيسترلىگىنە ءبىر ميلليون اقش دوللارىن ءبولۋ تاپسىرىلدى.
ءوز كەزەگىندە سىرتقى ساياسي ۆەدومستۆو زاڭنامادا بەلگىلەنگەن تارتىپپەن اتالعان قاراجاتتى تۇرىك تاراپىنىڭ ارنايى شوتىنا اۋدارۋعا ءتيىس.
قاۋلى قول قويىلعان كۇنىنەن باستاپ قولدانىسقا ەنگىزىلەدى.