قازاقستان ۇكىمەتى ونەركاسىپتىڭ بارلىق سالاسىن قولدايدى

ەلىمىزدىڭ بارلىق ونەركاسىپ سالالارى، ونىڭ ىشىندە تكمك دا مەملەكەتتەن قانداي دا ءبىر پرەفەرەنسيالار الادى.

 ءوز كەزەگىندە ۇكىمەت ولاردى وتاندىق ءونىمدى ساتىپ الۋ كولەمىن ۇلعايتۋ ارقىلى وڭىرلەردە شاعىن جانە ورتا كاسىپكەرلىكتىڭ ءوسۋىن ىنتالاندىرۋعا شاقىرادى، دەپ حابارلايدى Almaty-akshamy.kz.

ءبىرىنشى ۆيسە-پرەمەر رومان سكلياردىڭ ايتۋىنشا، بۇل جۇمىستى Qazindustry ينستيتۋتى كۇندەلىكتى جۇرگىزەدى. بۇل رەتتە ءىرى جانە ورتا كومپانيالار تاراپىنان تولىق تۇسىنىك قالىپتاسقان.

«پرەمەر-مينيستردىڭ ءىرى كومپانيالاردىڭ الدىنا قويعان تاعى ءبىر مىندەتى – قايتا ءبولىنۋى جوعارى وندىرىستەردى دامىتۋ. ەستەرىڭىزگە سالا كەتەيىن، بۇعان دەيىن بىزدەگى بارلىق اليۋمينيي ەكسپورتقا شىعارىلاتىن. تىپتەن، اليۋمينيي ساتىپ العىسى كەلگەن قازاقستاندىق كومپانيالار ونى كورشى ەلدەن ساتىپ العان كەزدەر دە بولعان. باستاپقىدا سەنىمگە كىرۋ ارقىلى، كەيىننەن قاجەتتى نورماتيۆتىك-قۇقىقتىق اكتىلەردى قابىلداي وتىرىپ، ءبىز ءوزىمىزدىڭ قايتا وڭدەۋشىلەرىمىز ءۇشىن ىشكى باعانىڭ لوندون بيرجاسىنان 5%-عا تومەندەۋىنە قول جەتكىزدىك. وتكەن جىلى 51 مىڭ توننا اليۋمينيي ەل ىشىندە قايتا وڭدەلدى. بۇل باعىتتى ءبىز ءارى قاراي جالعاستىرامىز. بارلىق نورماتيۆتىك-قۇقىقتىق اكتىلەر بار، ءىرى كومپانيالار ءوز شيكىزاتىن از جەڭىلدىكپەن بەرەدى، ءوندىرىستى ۇيىمداستىرۋ ءۇشىن جاعدايدى جاقسارتۋعا مۇمكىندىك بەرەدى جانە تابىستى ارتتىرادى. شيكىزات نارىعىنداعى قازىرگى جاعدايدى ەسكەرسەك، بۇل كومپانيالاردىڭ وزدەرىنە دە ءتيىمدى. ولار، ارينە، سالىستىرمالى تۇردە تومەن پايىزبەن، قىمبات ەمەس ۇزاقمەرزىمدى نەسيەلەر سۇرايدى. مۇمكىندىگىنشە بۇل ماسەلەلەردى دە شەشەمىز»، — دەدى رومان سكليار.