ينۆەستيسيالاردىڭ جالپى كولەمى الدىڭعى جىلمەن سالىستىرعاندا 38 پايىزعا وسكەن.
بۇگىن ۇكىمەت وتىرىسىندا قازاقستاننىڭ 2026 جىلعا دەيىنگى ينۆەستيسيالىق ساياساتى تۇجىرىمداماسى بەكىتىلدى، دەپ حابارلايدى Almaty-akshamy.kz Primeminister.kz سىلتەمە جاساپ.
«مەملەكەت باسشىسى قاسىم-جومارت كەمەل ۇلى توقايەۆتىڭ تاپسىرماسى بويىنشا ينۆەستيسيالىق ساياساتتىڭ جاڭا تۇجىرىمداماسى ازىرلەندى. بۇل قۇجات ەل ەكونوميكاسىنا تارتىلاتىن ينۆەستيسيالاردىڭ وسۋىنە ايتارلىقتاي ىقپال ەتەتىن بولادى. جالپى، ءبىز ينۆەستيسيالار ءوسىمىنىڭ پاندەمياعا دەيىنگى دەڭگەيىنە جەتتىك. بيىلعى جىلدىڭ 5 ايىندا نەگىزگى كاپيتالعا سالىنعان ينۆەستيسيالار كولەمى 2،5 پايىزعا ءوسىپ، 4،1 ترلن تەڭگەنى قۇرادى»، دەدى ق ر پرەمەر-مينيسترى ءاليحان سمايىلوۆ.
ۇكىمەت باسشىسىنىڭ دەرەگىنشە، وڭىرلەر اراسىندا بيىلعى جىلى اقمولا وبلىسى، شىمكەنت جانە الماتى قالالارى نەگىزگى كاپيتالعا سالىنعان ينۆەستيسيالار ءوسىمىنىڭ جوعارى قارقىنىن كورسەتىپ وتىر. ال، تۇركىستان جانە قاراعاندى وبلىستارىندا بۇل كورسەتكىش ايتارلىقتاي تومەندەپ كەتكەن.
«2021ء-شى جىلدىڭ قورىتىندىسى بويىنشا قازاقستانعا تارتىلعان تىكەلەي شەتەلدىك ينۆەستيسيالاردىڭ جالپى كولەمى الدىڭعى جىلمەن سالىستىرعاندا 38 پايىزعا ءوسىپ، شامامەن 24 ملرد دوللاردى قۇرادى. سالالار بويىنشا تىكەلەي شەتەلدىك ينۆەستيسيالاردىڭ ەڭ كوپ ءوسىمى ونەركاسىپتە، ساۋدادا، قارجى جانە ساقتاندىرۋ قىزمەتىندە، كولىك پەن قۇرىلىستا تىركەلىپ وتىر»، – دەدى ول.
ءاليحان سمايىلوۆ قازاقستان تىكەلەي شەتەلدىك ينۆەستيسيالار ءۇشىن تارتىمدى ەل ەكەندىگىن جانە بۇل جاعىنان ورتالىق ازيا وڭىرىندە كوش باستاپ تۇرعانىن باستا ايتتى.
«قازىرگى جاعدايدا ءبىز وسى پوزيسيانى نىقتاي ءتۇسىپ، شەتەلدىك ينۆەستيسيالار ءۇشىن بەلسەندى قيمىلداۋىمىز كەرەك جانە ينۆەستورلارعا بارىنشا وڭتايلى جاعداي جاساۋىمىز قاجەت. سونداي-اق، ەكونوميكانىڭ شيكىزاتتىق ەمەس سەكتورلارىندا ينۆەستيسيالىق جوبالاردى قارجىلاندىرۋ كوزدەرىن كەڭەيتۋ كەرەك. بۇگىن ۇسىنىلىپ وتىرعان ينۆەستيسيالىق ساياسات تۇجىرىمداماسى ەكونوميكانى دامىتۋدىڭ جانە حالىقتىڭ ءال-اۋقاتىن ارتتىرۋدىڭ درايۆەرىنە اينالاتىن جاڭا ينۆەستيسيالىق سيكلدىڭ باستاۋى بولۋى ءتيىس. تۇجىرىمدامادا 2026-شى جىلى نەگىزگى كاپيتالعا ينۆەستيسيالار دەڭگەيىن جالپى ىشكى ءونىمنىڭ 25،1 پايىزىنا دەيىن جەتكىزۋدى جانە تىكەلەي شەتەلدىك ينۆەستيسيالار كولەمىن 25،5 ملرد دوللارعا دەيىن ۇلعايتۋدى كوزدەيتىن اۋقىمدى ماقساتتى ينديكاتورلار بەلگىلەنگەن. مەملەكەتتىك ينۆەستيسيالىق ساياسات ساپالى شەتەلدىك جانە ىشكى ينۆەستيسيالاردى تارتۋعا، ەكونوميكالىق بەلسەندىلىكتى ارتتىرۋعا جانە حالىقتىڭ تابىسىن ۇلعايتۋعا، ونىڭ ىشىندە جاڭا تۇراقتى جۇمىس ورىندارىن قۇرۋعا باعىتتالاتىن بولادى»، - دەگەن پرەمەر-مينيستر تۇجىرىمدامانى بەكىتۋ ءۇشىن داۋىس بەرۋدى ۇسىندى.
ۇكىمەت مۇشەلەرى تۇجىرىمداما جوباسىن قولداپ داۋىس بەردى.