پرەمەر-مينيستر ولجاس بەكتەنوۆ جاھاندىق ينۆەستيسيالار بويىنشا VII قازاقستاندىق دوڭگەلەك ۇستەلگە قاتىستى، دەپ حابارلايدى aqshamnews.kz
پرەمەر-مينيستر ەلىمىزدىڭ ماڭىزى باسىم باعىتى ونەركاسىپتى دامىتۋ ەكەنىن اتاپ، شەتەلدىك كومپانيالاردى قازاقستاندىق بيزنەس-قوعامداستىقپەن تىعىز ارىپتەستىككە شاقىردى.
«قازاقستان ۇكىمەتى تۇراقتى جانە بولجامدى ينۆەستيسيالىق احۋالدى قولداۋ ءۇشىن بار كۇشىن سالادى. جوبانى ىسكە اسىرۋدىڭ ءاربىر كەزەڭىندە ينۆەستورلارمەن تىكەلەي ءوزارا ءىس-قيمىل جاساۋعا ۇلكەن ءمان بەرەمىز، سىزدەردىڭ قۇقىقتارىڭىزدى قورعاۋعا باسىمدىق بەرىلگەن. وتاندىق كومپانيالار ءىرى ينۆەستورلارمەن جەتكىزۋ تىزبەگىندە جۇمىس ىستەي وتىرىپ، تاجىريبە جيناپ، ساپا ستاندارتتارىن ارتتىراتىن بولادى. مۋلتيپليكاتيۆتى ءىرى ينۆەستيسيالىق جوبالار ءارتاراپتاندىرىلعان ەكونوميكالىق ەكوجۇيەنىڭ قالىپتاسۋىنا ىقپال ەتە وتىرىپ، شوب بەلدەۋىنىڭ دامۋىنا اسەر ەتەدى. ءبىز قازاقستانداعى شەتەلدىك وندىرىستەردىڭ دامۋىمەن ونىمدەردەگى قازاقستاندىق قامتۋدىڭ ۇلەسىن ارتتىرۋعا تالپىناتىن بولامىز. قازاقستانداعى كادرلاردى قولداۋ ماسەلەسىنە ەرەكشە كوڭىل بولىنەدى. ءبىز شەتەلدىك ينۆەستورلاردىڭ بارلىق دەڭگەيدە جەرگىلىكتى مامانداردى بەلسەندى تۇردە ەڭبەكپەن قامتۋىن قۇپتايمىز ءارى قولدايمىز. قازاقستان ۇكىمەتى تۇراقتى جانە بولجامدى ينۆەستيسيالىق احۋالدى قولداۋ ءۇشىن بار كۇشىن سالادى»، — دەپ اتاپ ءوتتى ولجاس بەكتەنوۆ.
KGIR–2024 قورىتىندىسى بويىنشا جالپى سوماسى $7 ملرد بولاتىن 32 قۇجات پاكەتىنە قول قويىلدى، ونىڭ ىشىندە پرەمەر-مينيستردىڭ قاتىسۋىمەن:
- اقمولا وبلىسى اكىمدىگى، KAZAKH INVEST جانە Dalian Hesheng Holding Group اراسىنداعى بيدايدى تەرەڭ وڭدەۋ بويىنشا قۇنى $650 ملن بولاتىن ستراتەگيالىق ىنتىماقتاستىق تۋرالى كەلىسىم؛
- ق ر ونەركاسىپ جانە قۇرىلىس مينيسترلىگى، KAZAKH INVEST جانە CHN Energy اراسىنداعى كومىر حيميا ونىمدەرىن ءوندىرۋ بويىنشا $4 ملرد-قا ستراتەگيالىق ىنتىماقتاستىق تۋرالى كەلىسىم؛
- «Orhun Medical» ج ش س مەن قازاقستان ۇكىمەتى اراسىنداعى ق ر دەنساۋلىق ساقتاۋ سالاسىنىڭ مەديسينالىق قىزمەتتەرى مەن ينفراقۇرىلىمىن جاقسارتۋ بويىنشا $80 ملن-عا ينۆەستيسيالىق كەلىسىم؛
- «SILK WAY ENERGY LTD» مەن ق ر ۇكىمەتى اراسىنداعى جەتىسۋ وبلىسىنىڭ پانفيلوۆ اۋدانىندا تاۋلىگىنە 1 000 000 نم3 قۋات تۇتىناتىن تابيعي گازدى سۇيىلتۋ زاۋىت سالۋ تۋرالى جالپى قۇنى $305 ملن-دى قۇرايتىن ينۆەستيسيالىق كەلىسىم؛
- «نك «قتج» اق مەن «ترانسپورتەيشن گلوۋبەل ەل-ەل-سي» اراسىنداعى تەمىرجول ماشينا جاساۋ سالاسىندا سيفرلاندىرۋ مەن جاساندى ينتەللەكت ەلەمەنتتەرىن ەنگىزۋ بويىنشا جوبانى ىسكە اسىرۋ تۋرالى كەلىسىم؛
- «Carlsberg Kazakhstan» ج ش س مەن قازاقستان رەسپۋبليكاسى اۋىل شارۋاشىلىعى مينيسترلىگى اراسىنداعى ەلىمىزدە الكوگولسىز سۋسىندار شىعاراتىن زاۋىت سالۋ بويىنشا جالپى قۇنى $100 ملن بازالىق قاعيداتتار تۋرالى نەگىزدەمەلىك كەلىسىم؛
- «شين-لاين» ج ش س مەن قازاقستان سىرتقى ىستەر مينيسترلىگى اراسىنداعى الەمنىڭ جەتەكشى كومپانيالارىنىڭ قاتىسۋىمەن الماتى وبلىسىندا ازىق-تۇلىك كلاستەرىن قۇرۋ تۋرالى بازالىق قاعيداتتار تۋرالى نەگىزدەمەلىك كەلىسىم (35 ءوندىرىس ورنى پىسىقتاۋدا)؛
- قوستاناي وبلىسىنىڭ اكىمدىگى مەن «Tech Digital» ج ش س اراسىنداعى اليۋمينيي قورىتپالارىنان جاسالعان جوعارى ساپالى شىبىقتار مەن پروفيلدەر ءوندىرۋ سالاسىنداعى بازالىق قاعيداتتار تۋرالى كەلىسىم؛
- باتىس قازاقستان وبلىسىنىڭ اكىمدىگى مەن «Hyundai Solar KZ 777» ج ش س اراسىنداعى قۇنى $167 ملن بولاتىن كۇن ەلەكتر ستانساسىن، قالدىقتاردى وڭدەۋ كەشەنىن، قوقىس جاعۋ كەشەنىن، مودۋلدىك جىلىجاي كەشەنىن سالۋ جونىندەگى ىنتىماقتاستىق تۋرالى مەموراندۋم؛
- «QazaqGaz» ۇك» اق مەن CNPC اراسىنداعى «سولتۇستىك 1» بلوگىنداعى گەولوگيالىق بارلاۋ جۇمىستارىنىڭ الەۋەتىن زەرتتەۋدىڭ بىرلەسكەن جوسپارى؛
- «وتباسى بانكى» اق مەن ازيا دامۋ بانكى اراسىنداعى ەلىمىزدە ينكليۋزيۆتى جانە جاسىل تۇرعىن ءۇيدى قارجىلاندىرۋدى ىلگەرىلەتۋ جوباسى بويىنشا ءوزارا تۇسىنىستىك تۋرالى مەموراندۋم.
پلەنارلىق سەسسيا شەڭبەرىندە ۇزدىك ينۆەستور-كومپانيالار: ونەركاسىپتىك، مەديسينالىق گازدار جانە ينجينيرينگ سالاسىنداعى Linde Gas GmbH كاسىپورنى، Shin-Line ازىق-تۇلىك ءوندىرىسى، KazFoodProducts ءداندى داقىلداردى تەرەڭ وڭدەۋ جانە كونديتەرلىك ونىمدەردى ءوندىرۋ جونىندەگى كومپانيالار توبى، Enhun Medical دەنساۋلىق ساقتاۋ سالاسىنداعى كومپانيالار توبى، Jiaxin International Resources Investment ۆولفرام كەندەرىن يگەرۋ جونىندەگى كاسىپورىن، Alstom تەمىرجول ماشينا جاساۋ كاسىپورنى، Zerde-Ceramics Aktobe فارفور پليتكالارىن شىعاراتىن زاۋىت، Zharkent Starch Plant جۇگەرى وڭدەۋ كاسىپورنى، قازاقستاننىڭ جەتەكشى تەمىرجول كلاستەرى Railways Systems KZ، سarlsberg Group سىرا قايناتۋ كومپانياسى اتاپ ءوتىلدى.