الماتىدا جامبىل اتىنداعى قازاق مەملەكەتتىك اكادەميالىق فيلارمونيا ساحناسىندا حالىق اقىنى، انشى-كومپوزيتور، «الاتاۋدىڭ بۇلب ۇلى» جەتىسۋ ءان مەكتەبىنىڭ كورنەكتى وكىلى كەنەن ازىربايەۆتىڭ 140 جىلدىعىنا وراي ن.تىلەندييەۆ اتىنداعى اكادەميالىق فولكلورلى-ەتنوگرافيالىق «وتىرار سازى» وركەسترىنىڭ كونسەرتى ءوتتى، دەپ حابارلايدى aqshamnews.kz.
كونسەرتتىك باعدارلامادا كەنەن ازىربايەۆتىڭ «قورداي»، «اناما»، «بوزتورعاي» اندەرى، سونداي-اق، اقىننىڭ وركەسترگە وڭدەلگەن جانە ن.تىلەندييەۆ پەن قازاقستان كومپوزيتورلارىنىڭ شىعارمالارى ورىندالدى. ءىس-شارادا قازاقستاننىڭ حالىق ءارتىسى، انشى-كومپوزيتور التىنبەك قورازبايەۆ قازاق ءدۇلدىلىنىڭ ونەگەلى ءومىرى مەن شىعارماشالىعى جايىندا ءسوز سويلەدى.
سونىمەن قاتار، قازاقستاننىڭ حالىق ءارتىسى رامازان ستامعازييەۆ، قازاقستاننىڭ ەڭبەك سىڭىرگەن قايراتكەرى نۇرجان جانپەيىسوۆ، مادەنيەت سالاسىنىڭ ۇزدىگى شولپان دارجانوۆا، بەيبىت مۇسايەۆ جانە فيلارمونيا سوليستەرى ونەر كورسەتتى.
ءىس-شاراعا قازاقستاننىڭ ەڭبەك سىڭىرگەن قايراتكەرى جالعاسبەك بەگەندىكوۆ ديريجەرلىك ەتتى. وركەستردىڭ كوركەمدىك جەتەكشىسى – قازاقستاننىڭ ەڭبەك سىڭىرگەن قايراتكەرى ءدىنزۋحرا تىلەندييەۆا.
كونسەرتكە كەنەن ازىربايەۆ مۇراسىن حالىق اراسىندا ناسيحاتتاپ جۇرگەن تورتكەن كەنەن قىزى باستاعان ۇرپاقتارى قاتىستى.