2022 جىلدىڭ العاشقى ءۇش ايىندا قازاقاستاننىڭ تۇركياعا ەكسپورت كولەمى ەكى ەسەدەن استام ءوستى.
قاڭتار-ناۋرىز ايلارىندا ەلىمىز باۋىرلاس ەلگە 1 ميلليارد 25 ميلليون دوللاردىڭ تاۋارىن جونەلتتى. ونىڭ ۇستىنە ەكسپورتتىڭ باسىم بولىگى مۇناي مەن مۇناي ونىمدەرىنىڭ ۇلەسىنە ءتيدى، ال جەتكىزىلىمى شامامەن 3 ەسەگە ارتتى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
سونداي-اق بۇل تىزىمدە مىس، مىرىش، مازۋت، سۇيىتىلعان گاز، اليۋمينيي جانە فەرروقورىتپالار بار. ال تۇركيا قازاقستانعا نەگىزىنەن كيىم-كەشەك، اياق كيىم، دارى-دارمەك، پلاستماسسا جانە قارا مەتالل بۇيىمدارى، كىلەمدەر، جيھازدار، سيترۋس جەمىستەرى، كۇنباعىس تۇقىمدارى مەن ءتۇرلى جابدىقتار جەتكىزەدى.
"ءقازىر تۇرىك كاپيتالىن ەسكەرە وتىرىپ، قۇنى 2 ميلليارد دوللاردان اساتىن 61 جوبا جۇزەگە اسىپ جاتىر. قازاقستاندا تۇرىك كاپيتالىنىڭ قاتىسۋىمەن ەكونوميكانىڭ ءارتۇرلى سالالارىندا 3700-دەن استام بىرلەسكەن كاسىپورىن جۇمىس ىستەيدى. ءبىز پرەزيدەنتتەرىمىزدىڭ ەكىجاقتى تاۋار اينالىمىنىڭ كولەمىن الداعى جىلدارى 10 ميلليارد دوللار دەڭگەيىنە جەتكىزۋ جونىندەگى تاپسىرماسىن ورىنداي الامىز دەپ ويلايمىن"، - قازاقستاننىڭ تۇركياداعى توتەنشە جانە وكىلەتتى ەلشىسى ەركەبۇلان ساپييەۆ.
ايتا كەتەيىك، قوس تاراپ بۇعان دەيىن 15 حالىقارالىق كەلىسىم بەكىتتى. ولاردىڭ قاتارىندا حالىقارالىق جۇك تاسىمالى سالاسىنداعى ىنتىماقتاستىقتى ارتتىرۋ تۋرالى قۇجات بار. ونىڭ شەڭبەرىندە قازاقستان حالىقارالىق كولىك ءدالىزى ماڭايىندا ورنالاسقان ەلدەردىڭ نارىعىنا ءوز ءونىمىن شىعارۋعا مۇمكىندىك الادى. بۇل دەگەنىمىز كاسپيي جانە قارا تەڭىز جاعالاۋىنداعى مەملەكەتتەر، تاياۋ شىعىس، ەۋروپا مەن كاۆكاز ەلدەرى .