قازاقستان ءتۋريزمنىڭ جاھاندىق رەيتينگىندە 117 ەلدىڭ ىشىندە 66-شى ورىنعا جايعاستى.
2023 جىلدىڭ 9 ايىنىڭ قورىتىندىسى بويىنشا ىشكى تۋريستەر سانى 5،4 ملن ادامدى قۇرادى، بۇل وتكەن جىلمەن سالىستىرعاندا 552 مىڭعا كوپ، دەپ حابارلايدى اlmaty-akshamy.kz.
شەتەلدىك تۋريستەر سانى 225 مىڭعا ارتىپ، 835 مىڭ ادامدى قۇرادى. 2019 جىلدان باستاپ توپ 10 باسىم تۋريستىك اۋماقتى دامىتۋ بويىنشا جۇمىستار بەلسەندى جۇرگىزىلۋدە. كەيىنگى جىلدارى ىشكى دەمالىسقا سۇرانىستىڭ ارتۋىن ەسكەرە وتىرىپ، ولاردىڭ سانى ءار ايماقتى قامتيتىن 20-عا دەيىن تولىقتىرىلدى. 80 باعىت بويىنشا حالىقارالىق اۋە قاتىناسى قالپىنا كەلتىرىلدى. 74 ەل ءۇشىن ۆيزاسىز رەجيم جاڭارتىلدى. بۇل ءتىزىمدى 100-گە دەيىن ارتتىرۋ جوسپارلانىپ وتىر.