قازاقستان تۋريستىك باعىتتار تىزىمىندە ورتالىق ازياداعى ەڭ جوعارى كورسەتكىشكە يە

تۋريزم سالاسىنداعى جاڭا باستامالار: ق ر تۋريزم جانە سپورت ءمينيسترى ەرمەك مارجىقپايەۆ اقمولا وبلىسىنىڭ بيزنەس-قاۋىمداستىعىمەن كەزدەستى.

بۋراباي اۋدانىنداعى «Discovery Borovoe» قوناق ۇيىندە ق ر تۋريزم جانە سپورت ءمينيسترى ەرمەك مارجىقپايەۆ اقمولا وبلىسىنىڭ بيزنەس-قوعامداستىعىمەن كەزدەسۋ وتكىزىپ، جازعى تۋريستىك ماۋسىمعا دايىندىعىن تالقىلادى. بۇل تۋرالى مينيسترلىكتىڭ باسپا ءسوز قىزمەتى مالىمدەدى، دەپ حابارلايدى Almaty-akshamy.kz.

جۋىردا دۇنيەجۇزىلىك ەكونوميكالىق فورۋمنىڭ ساياحات جانە ءتۋريزمدى دامىتۋ بويىنشا جاريالانعان رەيتينگىندە قازاقستان تۋريستىك باعىتتار تىزىمىندە 119 ەل اراسىنان 52-ورىندى يەلەندى. قازاقستان ازەربايجان (56)، وزبەكستان (78)، قىرعىزستان (102) سياقتى ەلدەردى باسىپ وزىپ، ورتالىق ازياداعى ەڭ جوعارى كورسەتكىشكە يە بولدى.

"قارجىلاندىرىلعان جوبالاردىڭ ناتيجەسىن قارايتىن بولساق، دۇرىس باعىتتا كەلە جاتقانىمىزعا كوز جەتكىزۋگە بولادى. بۇل شارالار ءوڭىردىڭ ودان ءارى وسىپ-وركەندەۋىنە وڭ اسەر ەتەتىنىنە سەنىمدىمىن"، - دەدى ق ر تۋريزم جانە سپورت ءمينيسترى ەرمەك مارجىقپايەۆ.

ايماقتاعى تاعى ءبىر ماڭىزدى باعىتتىڭ ءبىرى – اۋىل تۇرعىندارىن جۇمىسپەن قامتي وتىرا، اگروتۋريزم سالاسىن دامىتۋ. سونىمەن قاتار تۋريزم جانە سپورت ءمينيسترى اقمولا وبلىسىندا ءتۋريزمنىڭ بارلىق سالاسى دامىپ كەلە جاتقانىن، ونىڭ ىشىندە ءوڭىر ەمدەۋ-ساۋىقتىرۋ، رەكرەاسيالىق جانە تابيعي-لاندشافتىق تۋريزم ورتالىعىنا اينالعانىن اتاپ ءوتتى. ازاماتتار مەن تۋريستەر اراسىندا قاۋىپسىزدىكتى ساقتاۋ دا وتە ماڭىزدى دۇنيە.