قازاقستان توتەنشە جاعدايلار مينيسترلىگى ازاماتتاردى دەمالىس جانە مەرەكە كۇندەرى قاۋىپسىزدىك شارالارىن ساقتاۋعا شاقىرادى.
جاپپاي وتكىزىلەتىن ءىس-شارالار مەن ادامداردىڭ، اسىرەسە قىستا تازا اۋادا دەمالۋ وقيعالارىنىڭ كوبەيۋىنە بايلانىستى توتەنشە جاعدايلاردىڭ الدىن الۋ ماڭىزدى، دەپ حابارلايدى aqshamnews.kz ق ر تجم-نە سىلتەمە جاساپ.
اپپاراتتىق كەڭەس بارىسىندا قازاقستاننىڭ توتەنشە جاعدايلار ءمينيسترى گەنەرال-مايور شىڭعىس ءارىنوۆ ۆەدومستۆونىڭ اۋماقتىق بولىمشەلەرىنە الدىن الۋ شارالارىن كۇشەيتۋ جانە قاۋىپسىزدىكتى قامتاماسىز ەتۋ جونىندە ءبىرقاتار ناقتى تاپسىرمالار بەردى. ءورت قاۋىپسىزدىگى، سۋداعى، تاۋداعى ءقاۋىپسىز ءجۇرىس-تۇرىس جانە جول قوزعالىسى ەرەجەلەرىن ساقتاۋ ماسەلەلەرى بويىنشا ازاماتتارمەن تۇسىندىرمە اڭگىمەلەسۋگە ەرەكشە نازار اۋدارىلاتىن بولادى.
«قاۋىپسىزدىك ەرەجەلەرىن ساقتاۋ كوپتەگەن وقيعالاردىڭ الدىن الادى. ءبىز پروفيلاكتيكالىق جۇمىستى كۇشەيتىپ، ازاماتتاردى مۇقيات بولۋعا شاقىرامىز»، - دەپ تجم باسشىسى اتاپ ءوتتى.
2024 جىلعى 14 جەلتوقساننان باستاپ تجم بولىمشەلەرى تج ءقاۋپىنىڭ جوعارىلاۋىنا بايلانىستى قىزمەتتىڭ كۇشەيتىلگەن رەجيمىنە كوشۋدە. بۇعان قوسىمشا رەيدتەر، جاپپاي وتكىزىلەتىن ءىس-شارالاردى باقىلاۋ جانە دەمالىس ورىندارىنداعى قاۋىپسىزدىك كىرەدى. سونىمەن قاتار ورت-تاكتيكالىق جاتتىعۋلار، بيزنەس وبەكتىلەرىنىڭ قىزمەتكەرلەرىمەن نۇسقامالار جانە ۇسىنىمدار بەرە وتىرىپ، كوميسسيالىق تەكسەرۋلەر وتكىزىلەتىن بولادى.
تجم ازاماتتارعا قاۋىپسىزدىكتىڭ نەگىزگى ەرەجەلەرىن ساقتاۋ قاجەتتىگىن ەسكەرتەدى:
ءورت قاۋىپسىزدىگى: جىلىتۋ جانە ەلەكتر اسپاپتارىن پايدالانۋ كەزىندە اباي بولىڭىز، بالالاردى قاراۋسىز قالدىرماڭىز، پيروتەحنيكانى پايدالانۋ كەزىندە قاۋىپسىزدىك شارالارىن ساقتاڭىز
سۋداعى قاۋىپسىزدىك: جۇقا مۇزعا شىقپاڭىز، سۋ ايدىندارىندا ءجۇرىس-تۇرىس ەرەجەلەرىن ساقتاڭىز، بالالاردىڭ قاراۋسىز سۋدىڭ جانىندا بولۋىنا جول بەرمەڭىز.
تاۋداعى قاۋىپسىزدىك: تەكسەرىلگەن جابدىقتى پايدالانىڭىز، ءتيىستى دايىندىقسىز جانە مارشرۋتتى بىلمەي تاۋ مارشرۋتتارىنا شىقپاڭىز.
جول قاۋىپسىزدىگى: جول ەرەجەلەرىن ساقتاڭىز، اسىرەسە قىسقى اۋا-رايىندا جانە كولىكتى باسقارۋ كەزىندە مۇقيات بولىڭىز.