قازاقستاننىڭ كولىك مينيسترلىگى مەن رەسەي فەدەراسياسىنىڭ كولىك مينيسترلىگى «ريددەر-نوۆوسيبيرسك» حالىقارالىق تەمىرجول قاتىناسىن قالپىنا كەلتىرۋ تۋرالى كەلىسىمگە كەلدى.
پويىزدار وسى جىلدىڭ 18 جەلتوقسانىنان باستاپ ءتورت كۇندە ءبىر رەت جۇرە باستايدى. بۇل تۋرالى وبلىس تۇرعىندارىمەن كەزدەسۋدە ق ر كولىك ءمينيسترى مارات قارابايەۆ ايتتى، دەپ حابارلايدى aqshamnews.kz كولىك مينيسترلىگىنە سىلتەمە جاساپ.
«رەسەي تەمىر جولدارى» اق قىزمەت كورسەتەتىن №407/408 «ريددەر-نوۆوسيبيرسك» حالىقارالىق پويىزى 250 جولاۋشىعا ارنالعان 6 ۆاگوننان (3 كۋپە، 3 پلاسكارت) تۇرادى. وسىلايشا شىعىس قازاقستاندىقتاردىڭ ۇندەۋى ەلەۋسىز قالمادى.
جوعارىدا اتالعان پويىز اۋانى باپتاۋ جانە بەينەباقىلاۋ جۇيەلەرىمەن، بيواجەتحانا كەشەندەرىمەن، روزەتكالارمەن، ءموبيلدى قۇرىلعىلاردى/گادجەتتەردى قۋاتتاۋعا ارنالعان USB پورتتارىمەن جانە ءار ورىننىڭ جانىندا جەكە جارىقتاندىرۋمەن جابدىقتالعان.