بۇل ونىڭ 26-تيتۋلى
قازاقستان سپورتشىسى اننا دانيلينا جۇپتىق سىندا اقش-تاعى لانديسۆيللە (پەنسيلۆانيا) ITF W100 ءتۋرنيرىنىڭ چەمپيونى اتاندى، دەپ حابارلايدى Almaty-akshamy.kz.
قازاقستان تەننيس فەدەراسياسىنان ءمالىم ەتكەندەي، جارىستىڭ ءبىرىنشى راكەتكالارى بولىپ تىركەلگەن ا. دانيلينا امەريكالىق سوفي چانگپەن بىرگە فينالعا قينالماي جەتتى.
سوڭعى باسەكەدە قازاقستاندىق-امەريكالىق جۇپ وڭتۇستىككورەيالىقتار حان-نا لي - دجان-سۋ يونگپەن باس جۇلدەنى ساراپقا سالدى.
دانيلينا مەن چانگ قارسىلاستارىن 2:6، 7:6 (7:4)، 11:9 ەسەبىمەن ۇتتى.
وسىلايشا، ا. دانيلينا حالىقارالىق تەننيس فەدەراسياسى (ITF) وتكىزگەن تۋرنيرلەردە 26-تيتۋلىنا قول جەتكىزدى. سونىمەن قاتار، WTA جارىستارىندا ءۇش رەت (2021 جىلى – Poland WTA-250 جانە 2022 جىلى – Sydney WTA-500، Warsaw WTA-250) جەڭىمپاز اتانعان بولاتىن.