ەنەرگەتيكا ءمينيسترى ەلەكتر ەنەرگياسىنىڭ قىمباتتاۋىنىڭ بىرنەشە سەبەبىن اتادى

الماتىدا ءۇش ستانسانى جاڭعىرتۋ ءجۇرىپ جاتىر 

ەنەرگەتيكا ءمينيسترى بولات اقشولاقوۆ ەلەكتر ەنەرگياسى قىمباتتاۋىنىڭ بىرنەشە سەبەبىن اتادى، دەپ حابارلايدى Almaty-akshamy.kz قازاقپارات-قا سىلتەمە جاساپ.
ءمينيستردىڭ ايتۋىنشا، ەلىمىزدە ەلەكتر ەنەرگياسىنىڭ قىمباتتاۋىنا بىرنەشە سەبەپ بار.

«ەڭ ءبىرىنشى سەبەپ – ءبىرقاتار ستانسالار ءۇشىن وتىن باعاسىنىڭ ءوسۋى. تاعى ءبىر سەبەبى، ەلەكتر ەنەرگياسىنىڭ قۇنىنا ستانسا قىزمەتكەرلەرىنىڭ جالاقىسىن 20-30%-عا ارتتىرۋ ەنگىزىلگەن. بىزدە ەنەرگەتيكتەردىڭ جالاقىسى تومەن. ال، بۇل كادرلاردىڭ سالادان كوپتەپ كەتۋىنە اكەلىپ سوقتىردى»، - دەيدى بولات اقشولاقوۆ.

ونىڭ دەرەگىنە قاراعاندا، قازاقستاننىڭ ەنەرگەتيكا جۇيەسىندە جابدىقتار مەن جەلىلەر توزعان.

«ءبىز وسىعان وراي ستانسالار مەن جەلىلەردەگى باعالاۋدى ءىشىنارا اياقتادىق. ستانسالار ەسكى بولعاندىقتان، بىزدە وتە اۋىر گەنەراسيا بار. جاڭعىرتۋ مەن جوندەۋ قاجەت بولسا، ءبىز مۇنى قولعا الامىز. ءبىراق، جاڭا ستانسالاردى سالۋ قاجەت. مەن 2035 جىلعا دەيىن ەلەكتر ەنەرگياسىن تۇتىنۋدىڭ بولدامىن ايتا الامىن. بۇل – 150-160 ملرد كۆتساع شاماسىندا. ءقازىر 114 ملرد كۆتساع ەلەكتر ەنەرگياسىن تۇتىنامىز. ەگەر جاڭاسىن سالماي، ەسكى ستانسالاردى پايدالانا بەرسەك، وندا 150-160 ملرد كۆتساع-تىڭ 90150-160 ملرد كۆتساع-تى عانا جابا الامىز. سول سەبەپتەن، جاڭا ستانسالاردان 17،5 ملرد كۆتساع ەلەكتر ەنەرگياسىن ىسكە قوسۋدى جوسپارلاپ وتىرمىز»، -دەپ ءمالىم ەتتى ەنەرگەتيكا ءمينيسترى.

بولات اقشولاقوۆتىڭ ايتۋىنا قاراعاندا، قىزىلوردادا ەلەكتر ستانساسىن سالۋ جوسپارلانعان. الماتىداعى ەنەرگيا تورابىن، جىلۋ-ەلەكتر ورتالىعىندا ءۇش ستانسانى جاڭعىرتۋ ءجۇرىپ جاتىر. بۇدان باسقا دا نۇسقالار قاراستىرىلۋدا.