قازاقستان - سلوۆەنيا ماچىن قايدان كورۋگە بولادى

ەل قۇراماسى H توبىندا 9 ويىننان كەيىن 18 ۇپاي جيناپ، ءۇشىنشى ورىندا تۇر

فۋتبولدان قازاقستان قۇراماسىنىڭ 2024 جىلعى ەۋروپا چەمپيوناتىنا ىرىكتەۋ كەزەڭى اياسىندا شەشۋشى ماچتى سلوۆەنيا قۇراماسىنا قارسى وتكىزەدى. شەشۋشى ماچ 20 قاراشادان 21-نە قاراعان ءتۇنى ساعات 01:45-تە (استانا ۋاقىتىمەن) «Qazaqstan» جانە «Qazsport» تەلەارنالارىندا كورسەتىلەدى، دەپ حابارلايدى اlmaty-akshamy.kz.

ەل قۇراماسى H توبىندا 9 ويىننان كەيىن 18 ۇپاي جيناپ، ءۇشىنشى ورىندا تۇر. بۇل توپتا دانيا 22 ۇپاي جيناپ، قۇرلىقتىق دودانىڭ فينالدىق ساتىسىنا ءبىر تۋر بۇرىن جولداما الدى.

ەندى ەكىنشى جولداما تاعدىرى سلوۆەنيا مەن قازاقستان كەزدەسۋىندە شەشىلەدى.

قازاقستاندىق فۋتبولشىلار 23 ناۋرىزدا ەلوردادا وتكەن ويىندا اتالعان قارسىلاسىنا 1:2 ەسەبىمەن ەسە جىبەردى.

قازىرگە دەيىن قۇرلىقتىق دودانىڭ فينالدىق ساتىسىنا فرانسيا، پورتۋگاليا، بەلگيا، يسپانيا، شوتلانديا، تۇركيا، انگليا، اۋستريا، ۆەنگريا، سلوۆاكيا، البانيا، دانيا، نيدەرلاند، شۆەيساريا، رۋمىنيا، سەربيا قۇرامالارى شىقتى. ال گەرمانيا ۇيىمداستىرۋشى ەل رەتىندە ىرىكتەۋسىز قاتىسادى.

ەۋروپا چەمپيوناتى 2024 جىلدىڭ 14 ماۋسىمى مەن 14 شىلدەسى ارالىعىندا گرەمانيادا وتكىزىلەدى.