قازاقستان رەسپۋبليكاسى پرەمەر-مينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋ جاڭادان تاعايىندالعان جاپونيانىڭ قازاقستانداعى ەلشىسى ياسۋماسا ييدجيمانى قابىلدادى.
كەزدەسۋ بارىسىندا تاراپتار ەكىجاقتى جانە كوپجاقتى ىنتىماقتاستىقتىڭ قازىرگى جاعدايى مەن پەرسپەكتيۆالارىن جان-جاقتى تالقىلاپ، 2025 جىلعا جوسپارلانعان بيىك جانە جوعارى دەڭگەيدەگى ءوزارا ساپارلار مەن ءىس-شارالاردىڭ كەستەسىنە ەرەكشە نازار اۋداردى، دەپ حابارلايدى aqshamnews.kz Cىرتقى ىستەر مينيسترلىگىنە سىلتەمە جاساپ.
ەكىجاقتى ساۋدا اينالىمىنىڭ جانە جاپوندىق تىكەلەي ينۆەستيسيالاردىڭ ەلەۋلى كولەمىن ەسكەرە وتىرىپ،
ساۋدا-ەكونوميكالىق ىنتىماقتاستىقتى ودان ءارى تەرەڭدەتۋدىڭ ماڭىزدىلىعى ەرەكشە نازارعا الىندى.
قازاقستان مەن جاپونيا اراسىنداعى ەكونوميكالىق ىنتىماقتاستىق جونىندەگى ۇكىمەتارالىق جانە جەكەمەنشىك سەكتورلارىنداعى بىرلەسكەن كوميسسياسىنىڭ ءوزارا ءتيىمدى سەرىكتەستىگىن ىلگەرىلەتۋگە باعىتتالعان ۇلەسى اتالىپ ءوتتى.
ءوز كەزەگىندە يا.ييدجيما ەكىجاقتى قارىم-قاتىناستاردى دامىتۋ ءۇشىن بەلسەندى ءوزارا ىقپالداستىققا دايىندىعىن ءبىلدىردى.
ق ر سىرتقى ىستەر مينيسترلىگىنىڭ باسشىسى م.نۇرتىلەۋ جاپونيانىڭ ەلشىسىنە ونىڭ قازاقستانداعى قىزمەتىنە ساتتىلىك تىلەدى.