قازىرگى تاڭدا پرواكتيۆتى تۇردە 40 مەملەكەتتىك قىزمەت كورسەتىلۋدە
قازاقستان بۇۇ ەلەكتروندى ۇكىمەتتىڭ دامۋ يندەكسى بويىنشا 28 ورىندا. سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين وسىلاي دەپ ءمالىم ەتتى، دەپ حابارلايدى Almaty-akshamy.kz Baq.kz-كە سىلتەمە جاساپ.
ول مينيسترلىكتىڭ جۇمىسى بىرنەشە باعىتتى قامتيتىنىن اتاپ ءوتتى. ولار - مەملەكەتتىك قىزمەت كورسەتۋدى جەتىلدىرۋ، بايلانىس سالاسىن دامىتۋ جانە اقپاراتتىق تەحنولوگيالار مەن يننوۆاسيانى دامىتۋ مەن عارىش سالاسىن ىلگەرىلەتۋ.
- ءبىرىنشى ستراتەگيالىق باعىت بويىنشا ازاماتتار ءۇشىن ءبىز پرواكتيۆتى فورماتتا ادام قاجەتتىلىگىنە باعىتتالعان قىزمەتتى ەنگىزىپ جاتىرمىز. قازىرگى تاڭدا پرواكتيۆتى تۇردە 40 مەملەكەتتىك قىزمەت كورسەتىلۋدە. 15 مەملەكەتتىك قىزمەت سىرتقى پلاتفورمالارعا شىعارىلدى، 20 سيفرلىق قۇجات 7،5 ملن رەت قولدانىلدى. وسى جوبالاردىڭ ارقاسىندا ءبىزدىڭ ەلىمىز بۇۇ ەلەكتروندى ۇكىمەتتىڭ دامۋ يندەكسى بويىنشا 28 ورىندى يەلەنىپ وتىر.ونىمەن قوسا، سيفرلىق قىزمەتتەر ، ياعني سۋبيندەكس بويىنشا سەگىزىنشى ورىندامىز، - دەدى باعدات مۋسين.