قۇرامىندا مساك ماماندارى، ق ر دسم قۇرىلىمدىق بولىمشەلەرىنىڭ جانە ۆەدومستۆولىق باعىنىستى ۇيىمداردىڭ باسشىلارى بار قازاقستاندىق دەلەگاسيا ددۇ-نىڭ مساك جونىندەگى گەوگرافيالىق قاشىقتاعى وفيسىمەن ارىپتەستىكتە شۆەسياعا باردى، دەپ حابارلايدى almaty-akshamy.kz
وزدەرىڭىز بىلەتىندەي، 2022 جىلدىڭ ناۋرىز ايىندا الماتى وبلىسىنىڭ ەڭبەكشىقازاق اۋدانىندا ەۋروپالىق وڭىردە ددۇ-نىڭ مساك بويىنشا العاشقى دەمونستراسيالىق پلاتفورماسى اشىلدى. باسقا ەلدەردىڭ دەنساۋلىق ساقتاۋ ساراپشىلارى مساك قىزمەتتەرىن كورسەتۋ ءۇشىن كوپبەيىندى كوماندالاردى ۇيىمداستىرۋداعى قازاقستاننىڭ تاجىريبەسىن زەردەلەي الادى. وسى پلاتفورمانىڭ نەگىزىندە قازاقستاندا ارمەنيا، وزبەكستان، قىرعىزستان، تاجىكستان جانە ت. ب. دەلەگاسيالار وقىتىلدى.
ەلدەردىڭ قازاقستان مىسالىندا مساك-تى ۇيىمداستىرۋدىڭ تابىستى پراكتيكالارىن وقىتۋعا مۇددەلىلىگى ەسكەرىلە وتىرىپ، شۆەسيادا سيفرلىق شەشىمدەردىڭ كومەگىمەن شالعايداعى، حالقى از اۋىلدىق وڭىرلەردە مساك قىزمەتتەرىن ۇيىمداستىرۋدى وقىتۋ جانە مەيىرگەرلەردىڭ قۇزىرەتتەرىن كەڭەيتۋ ءۇشىن مساك بويىنشا ددۇ-نىڭ ەكىنشى دەمونستراسيالىق پلاتفورماسى اشىلدى.
قازاقستان شۆەسيادا دەنساۋلىق ساقتاۋ سالاسىندا تاجىريبە الماسۋ باعدارلاماسىنا قاتىسۋ ءۇشىن ددۇ شاقىرعان العاشقى ەلدەردىڭ ءبىرى بولدى.
ساپاردىڭ بارىسىندا شۆەسيانىڭ دەنساۋلىق ساقتاۋ جانە الەۋمەتتىك ىستەر مينيسترلىگىنىڭ، باسقا دا مەملەكەتتىك ۆەدومستۆولاردىڭ وكىلدەرىمەن، سالالىق ساراپشىلارمەن، عىلىمي توپتاردىڭ وكىلدەرىمەن كەزدەسۋلەر وتكىزىلدى. وزەكتى ماسەلەلەر تالقىلاندى، دەنساۋلىق ساقتاۋ قىزمەتتەرىنە تەڭ قولجەتىمدىلىكتى قامتاماسىز ەتۋ جانە مەديسينالىق كومەكتىڭ ساپاسىن ارتتىرۋ، پاسيەنتتەردىڭ مۇمكىندىكتەرىن كەڭەيتۋ جانە شۆەسيا مىسالىندا ۇزدىك پراكتيكالارمەن الماسۋ ءۇشىن قاشىقتىقتان سيفرلىق شەشىمدەردى زەردەلەۋ ءوتتى.
قازاقستان دەلەگاسياسى شۆەد تاراپىمەن ودان ءارى ارىپتەستىكتى جالعاستىرۋعا قىزىعۋشىلىق ءبىلدىرىپ، مساك-تى جاقسارتۋ جانە پاسيەنتتەردىڭ قاجەتتىلىكتەرىن قاناعاتتاندىرۋ ءۇشىن مەديسينالىق كومەكتىڭ قولجەتىمدىلىگى مەن ساپاسىن ارتتىرۋ جونىندەگى كۇش-جىگەردى بىرىكتىرۋدىڭ ماڭىزدىلىعىن اتاپ ءوتتى.