سونداي-اق، مەرەكە اياسىندا ۋنيۆەرسيتەت تۇلەگى، مەسەنات سەرىكجان سەيىتجانوۆ اتىنداعى اۋديتوريانىڭ اشىلۋى ءوتتى. ۋنيۆەرسيتەتتىڭ عىلىمي الەۋەتىن ودان ءارى نىعايتۋعا جاڭا سەرپىن بەرەتىن 4 عىلىمي زەرتحانا پايدالانۋعا بەرىلدى، دەپ حابارلايدى almaty-akshamy.kz
«ق ر ۇلتتىق عىلىم اكادەمياسىنىڭ اكادەميگى مۇرات جۇرىن ۇلى جۇرىنوۆ اتىنداعى اۋديتوريادا شەتەلدىك عالىمدار مەن پروفەسسورلاردىڭ دارىستەرى، ساباقتارى، كەزدەسۋلەرى وتەدى. مۇرات جۇرىن ۇلى سىزگە قازاقستان عىلىمىنا قوسقان باعا جەتپەس ۇلەسىڭىز ءۇشىن زور العىسىمىزدى بىلدىرەمىز. ءقازىر ءسىزدىڭ جولىڭىزدى جالعاستىراتىن حيميكتەر، عالىمدار ۇرپاعى ءوسىپ كەلەدى. ءبىزدىڭ ۋنيۆەرسيتەت عىلىمي قىزمەتتى دامىتۋعا ۇلكەن كۇش سالۋدا»، - دەپ اتاپ ءوتتى Auezov University رەكتورى داريا قوجامجاروۆا.
سونىمەن قاتار، جاڭا زەرتحانالار جاستاردى ستۋدەنتتىك عىلىمعا ىنتالاندىرۋ جانە تارتۋ ءۇشىن اشىق. زەرتحانالار زاماناۋي جابدىقتارمەن، ءتيىمدى تەحنولوگيالارمەن جابدىقتالعان، ولاردا ستۋدەنتتەردى جايلى وقىتۋ ءۇشىن بارلىق قاۋىپسىزدىك شارالارى ساقتالعان.
«ازىق-تۇلىك بيوتەحنولوگياسى» زەرتحاناسى اۋىل شارۋاشىلىعى ونىمدەرى مەن شيكىزاتىن وڭدەۋگە جانە ساقتاۋعا ارنالعان. ۋنيۆەرسيتەت عالىمدارىنىڭ ايتۋىنشا، وتاندىق اۋىل شارۋاشىلىعى ونىمدەرىن ءوندىرۋ جانە قايتا وڭدەۋ تەحنولوگيالارى ءونىمدى الەمدىك نارىققا ەكسپورتتاۋ مۇمكىندىگىن ارتتىرادى. سونىمەن قاتار، زەرتحانادا ءوندىرىس سالاسىندا ىرگەلى جانە قولدانبالى زەرتتەۋلەر جۇرگىزىلەدى.
«حيميالىق ءوندىرىس پروسەستەرى مەن اپپاراتتارىن مودەلدەۋ» زەرتحاناسىندا عالىمدار باستاپقى تۇجىرىمدامادان سوڭعى ونىمگە دەيىن يننوۆاسيالىق، ۇنەمدى جانە ەكولوگيالىق تازا شەشىمدەردى ازىرلەۋمەن اينالىسادى.
«Auezov REILEAP leather center» نەگىزگى ماقساتى - دوكتورانتتار مەن ماگيسترانتتارعا تەرىنى وڭدەۋ، بىلعارىدان جاسالعان بۇيىمدار مەن اياق كيىم ماتەريالدارى سالاسىندا عىلىمي زەرتتەۋلەر جۇرگىزۋگە مۇمكىندىك بەرۋ. زەرتحانادا حالىقارالىق جوبالارعا ۇسىنىستار دايىندالادى، جوعارى وقۋ ورىندارىنىڭ ءبىلىم الۋشىلارى مەن بىلعارى ونەركاسىبىنىڭ قىزمەتكەرلەرى ءۇشىن ارنايى وقۋ كۋرستارى وتكىزىلەدى.
«اۋىز سۋدى دايىنداۋدىڭ ءتيىمدى تەحنولوگيالارىن ازىرلەۋ جونىندەگى كەشەندە» تىرشىلىك ارەكەتىنىڭ قاجەتتىلىكتەرىنىڭ عىلىمي-ادىستەمەلىك نەگىزدەرى ازىرلەنەدى، جەر استى سۋلارىن تازارتۋ ادىستەرى زەردەلەنەدى.
ايتا كەتۋ كەرەك، ۋنيۆەرسيتەت قابىرعاسىندا اعىمداعى جىلى 56 عىلىمي جوبا ازىرلەنۋدە، سونداي-اق كوممەرسيالاندىرۋ بويىنشا 4 جوبا ىسكە اسىرىلۋدا.