قازاقستان ءتۇستى مەتالل ءوندىرىسىن ارتتىرادى.
ال ەۋروپا تاراپىنان تاعى 16 مەتالل تۇرىنە سۇرانىس بولىپ وتىر، دەپ حابارلايدى Almaty-akshamy.kz 24.kz-كە سىلتەمە جاساپ.
بۇل ماسەلە بۇگىن استانادا باستالعان حIV حالىقارالىق تاۋ-كەن مەتاللۋرگيا كونگرەسىندە تالقىلاندى. پرەزيدەنت قاسىم-جومارت توقايەۆ سيرەك مەتالداردى «جاڭا مۇناي» دەپ باعالاعانى بەلگىلى. سەبەبى كۇن ساناپ ۇلعايىپ كەلە جاتقان زاماناۋي تەحنولوگيالىق بۇيىمدار وندىرىسىنە اۋاداي قاجەت. ياعني، ءوندىرىس كولەمى وسكەن سايىن سۇرانىس تا ۇلعايا بەرمەك.
ءداستۇرلى كونگرەسس جۇمىسىنا 20 ەلدەن تاۋ-كەن جانە مەتاللۋرگيا سالاسىنداعى ىرگەلى كومپانيالار قاتىسىپ جاتىر. ولار وزدەرىنىڭ الدىڭعى قاتارلى تەحنولوگيالارىن تانىستىرىپ، ءوندىرىس قارقىنىن ارتتىرۋ بويىنشا تىڭ جوبالار ۇسىنادى. سونداي-اق ءىس-شارا شەڭبەرىندە جالپى قۇنى 22 ملرد تەڭگە بولاتىن كەلىسىمشارتتارعا قول قويىلادى.
قانات شارلاپايەۆ، ق ر ونەركاسىپ جانە قۇرىلىس ءمينيسترى:
بۇكىل ءالىمنىڭ ەكونوميكاسى ەنەرگەتيكالىق «پەرەحود» جاساپ جاتىر. سول ەنەرگەتيكاعا بايلانىستى قازىرگى تاڭدا سۇرانىس وتە كوپ. ەڭ الدىمەن قازاقستاننىڭ ءرولى وسى ەنەرگەتيكالىق «پەرەحودتا» سيرەك مەتالدارمەن قامتاماسىز ەتۋ.
بەنجامەن گاللەزوت، فرانسيا پرەمەر-مينيسترى جانىنداعى كەن جانە مەتالداردى ستراتەگيالىق جەتكىزۋ جونىندەگى ۆەدومستۆوارالىق دەلەگات:
- بىلتىر قاراشا ايىندا قازاقستان مەن فرانسيا اراسىندا بىرنەشە كەلىسىمگە قول قويىلدى. بۇل قۇجاتتارعا سايكەس زەرتتەۋ، جوبالاردى دامىتۋ جانە جاڭاشىل تەحنولوگيالاردى ەنگىزۋ بويىنشا بىرلەسە جۇمىس جۇرگىزەمىز. قازاقستاندا سيرەك مەتالدار ءوندىرىسىن دامىتۋ ءۇشىن الەۋەت جەتكىلىكتى. قازىرگى ۋاقىتتا ءبىز ونەركاسىپ جانە قۇرىلىس مينيسترلىگىمەن بىرگە جول كارتاسىن ازىرلەپ جاتىرمىز.