الماتىدا 12 ماۋسىم ساعات 00:00-دەن 14 ماۋسىم ساعات 08:00-گە دەيىن سۋمەن جابدىقتاۋ جەلىلەرىندە تەحنولوگيالىق جابدىقتى اۋىستىرۋ بويىنشا جوسپارلى پروفيلاكتيكالىق جۇمىستار جۇرگىزىلەتىن بولادى، دەپ حابارلايدى almaty-akshamy.kz «الماتى سۋ» مكك سىلتەمە جاساپ.
وسىعان بايلانىستى جەتىسۋ اۋدانىندا رىسقۇلوۆ – لوباچيەۆسكيي – سەيفۋللين – اقپايەۆ كوشەلەرىنىڭ كونتۋرىندا سۋىق سۋ بەرۋ ۋاقىتشا شەكتەلەدى.
جۇمىس بارىسىندا تۇركسىب اۋدانىنىڭ رىسقۇلوۆ داڭعىلى – سەيفۋللين داڭعىلى – جۇمابايەۆ كوشەسى – جانسۇگىروۆ كوشەسىنىڭ كونتۋرىنداعى سۋ قىسىمىنىڭ تومەندەۋى كۇتىلۋدە.
بەكىتكىش ارماتۋرانى جانە وزگە دە تەحنولوگيالىق جابدىقتى اۋىستىرۋ جونىندەگى جۇمىستاردى ۋاقتىلى ورىنداۋ اتالعان ۋچاسكەلەردىڭ تۇتىنۋشىلارىن ساپالى جانە تۇراقتى سۋمەن قامتاماسىز ەتۋگە مۇمكىندىك بەرەدى.
الەۋمەتتىك نىساندار ءۇشىن اۆتوسيستەرنالارمەن سۋ تاسىمالداۋ جۇزەگە اسىرىلادى.
ۋاقىتشا قولايسىزدىقتارعا تۇسىنىستىكپەن قاراۋدى سۇرايمىز.
«الماتى سۋ» مكك ديسپەچەرلىك قىزمەتى: 274-66-66