استانادا ءوتىپ جاتقان قازاقستان-سان-مارينو ماچىنا ق ر پرەزيدەنتى قاسىم-جومارت توقايەۆتىڭ ءوزى كەلدى.
مەملەكەت باسشىسىمەن بىرگە ۇلتتىق قۇراماعا قولداۋ ءبىلدىرۋ ءۇشىن داڭقتى سپورتشىلار، سپورت ارداگەرلەرى مەن مادەنيەت قايراتكەرلەرى دە كەلدى، دەپ حابارلايدى Almaty-akshamy.kz.
ولاردىڭ اراسىندا قازاقستاننىڭ حالىق ءارتىسى ديماش قۇدايبەرگەن، ميني-فۋتبولدان قازاقستان ۇلتتىق قۇراماسىنىڭ باس باپكەرى پاۋلۋ ريكاردۋ فيگەيرا سيلۆا (كاكا)، فۋتبول ارداگەرلەرى ميحايل گۋرمان مەن ۆاحيد ماسۋدوۆ، باپكەر دميتريي وگاي، وليمپيادا چەمپيوندارى ولگا رىپاكوۆا، دميتريي بالاندين جانە تاعى باسقالارى بار.
ەلوردانىڭ «استانا ارەنا» ستاديونىندا 2024 جىلعى ەۋروپا چەمپيوناتىنىڭ ىرىكتەۋ كەزەڭى اياسىندا قازاقستان مەن سان-مارينو قۇرامالارى اراسىندا ويىن وتۋدە. ءدال ءقازىر ويىننىڭ العاشقى تايمى اياقتالدى. كەزدەسۋدىڭ 19-مينۋتىندا قازاقستان قۇراماسىنىڭ جارتىلاي قورعاۋشىسى يسلام چەسنوكوۆ قارسىلاستار قاقپاسىنا دوپ دارىتىپ، ەسەپ اشتى.
ەستەرىڭىزگە سالا كەتەيىك، بۇعان دەيىن فۋتبولدان قازاقستان ۇلتتىق قۇراماسى ەURO 2024 اياسىندا سان-مارينو قۇراماسىمەن كەزدەسەتىنىن حابارلاعان ەدىك.